QK bazarı daralır

Azərbaycanın qiymətli kağızlar bazarı marja ticarətinin iki dəfə artmasına baxmayaraq, daralmaqda davam edir. 11 ayda QK bazarı törəmə kağızlar nəzərə alınmaqla 9,6 mlrd manat təşkil edib. Bu, ötən ilin eyni dövründəkindən 15% azdır, deyə Qiymətli Kağızlar üzrə Dövlət Komitəsi bildirir.

İlin əvvəlindən korporativ QK bazarında 3 mlrd 466,2 mln manat məbləğində 4329 əqd (-26,9%) qeydiyyata alınıb. 3 688 əqd üzrə səhm dövriyyəsi 74% azalaraq 626,8 mln manat təşkil edib. Korporativ istiqrazların yerləşdirmə və alqı-satqı həcmi 3% azalıb.

Azərbaycanda özəl şirkətlərin kütləvi səhm yerləşdirməsi praktikası yoxdur. Fəaliyyət göstərən şirkətlərin yeni səhm buraxılışı üzrə ilkin yerləşdirmə əsasən QK sahiblərinin arasında həyata keçirilir. 11 ay ərzində dövlət QK bazarının həcmi 140,3 mln manat təşkil edir. Bu, ötən ilin eyni dövründə bazarın bu seqmentində qeydə alınan həcminin cəmi 3%-dir.

Törəmə QK üzrə əqdlərin analizi göstərir ki, manatın devalvasiyasından sonra investorların aktivliyi kəskin azalıb. Amma illik hesablamada bazarın həcmi (6 mlrd manat) 88% artıb. Bazarın bu seqmentində əqd bağlananda bir investor tərəfindən törəmə QK-ın həm alışı, həm satışı nəzərə alınır. Ona görə marja ticarətinin faktiki pul dövriyyəsi təxminən 3 mlrd manatdır. 08D