Bundan sonra qiymətli kağızların emitentləri haqqında kütləvi təklif edilmiş bütün informasiyalar ictimaiyyətə vahid məlumat resursu - www.disclosure.az tərəfindən açıqlanacaq. Sayt Azərbaycan və ingilis dillərində fəaliyyət göstərir.
Bu informasiya bazası Qiymətli Kağızlar üzrə Dövlət Komitəsi tərəfindən “Qiymətli kağızlar bazarı haqqında” qanuna uyğun olaraq istismara verilib. O, maliyyə şəffaflığı prinsiplərinin və korporativ idarəetmənin tətbiqinin genişləndirilməsinə imkan verəcək, deyə qurumun ictimaiyyətlə əlaqə sektoru məlumat verir.
Məlumatların Elektron Açıqlanması Sistemi (MEAS) qiymətli kağızları kütləvi təklif edilmiş və tənzimlənən bazarda ticarətə buraxılmış emitentlər tərəfindən qanunvericiliklə açıqlanması nəzərdə tutulan məlumatların qəbulu, mərkəzləşdirilmiş qaydada saxlanılması və ictimaiyyətə açıqlanması üzrə vahid məlumat resursudur.
Qaydalara əsasən, emitentlər QKDK-ya müraciət etməklə və ya asan imza (www.asanimza.az) vasitəsilə MEAS-da qeydiyyatdan keçməklə qoşulurlar. Emitent MEAS-da onlayn rejimdə qeydiyyatdan keçərək öz məlumatlarını elektron şəkildə sistemə yükləyir. Məlumatların yerləşdirilməsi üçün ödəniş tələb edilmir.
Qeyd edək ki, Azərbaycanda kütləvi şəkildə yerləşdirilən səhm və istiqraz emitenti olan 2000 şirkət (SC və MMC) var. Məlumatların açıqlanmasından yayınmağa görə 200 manatdan 6 000 manatadək cərimə tətbiq edilir. 08B
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz