Azərbaycanda taxıl yığımı başa çatır. Bu il xüsusən dağətəyi rayonlarda hava şəraiti əlverilşli olmayıb və torpaqda rütubət çatmayıb.
Dövlətstatkoma görə, iyulun 7-ə kimi dənli və dənli paxlalıların 88,8%-i yığılıb. Cəmi 1 926,7 min ton taxıl, o cümlədən 1 239,2 min ton buğda yığılıb. Məhsuldarlıq 1 ha-da 23,7 sentner olub. Ötən il orta məhsuldarlıq 27,6 s idi.
Əkinçilik ETİ-nin direktoru Cavanşir Telai Turan-a deyib ki, məhsulun azalmasına səbəb dəmyə sahələrdə yağıntının olmamasıdır. Taxıl əkinlərinin 40%-i onların payına düşür. Bundan başqa, bir çox fermerlər növbəli əkin və qara herik qaydalarına əməl etmir. Aşağı keyfiyyətli toxumdan istifadə edilməsinin də öz təsiri var. Bu il 961 min ha sahədə taxıl əkilib. --08B—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz