Nikoloz Şurqaya Rabitəbank ASC-nin İdarə Heyətinin sədri vəzifəsinə təyin edilib.
Bankdan verilən məlumata görə, Nikoloz Şurqaya Gürcüstan, Belarus, Rusiya və Böyük Britaniyanın bank sektorlarında 18 illik təcrübəyə malikdir. Rabitəbankda işə başlamazdan əvvəl Şurqaya müxtəlif MDB ölkələrində müstəqil direktor və maliyyə institutlarının məsləhətçisi kimi fəaliyyət göstərib. 2009-2011 illərində Bank of Georgia-ya məxsus olan Belarusky Narodny Bank-da (Belarus) Müşahidə Şurasının sədri və eyni zamanda, Bank of Georgia-da beynəlxalq biznes üzrə İdarə Heyətinin sədr müavini vəzifələrində işləyib. 2008-2009-cu illərdə Gürcüstanın VTB Bankının İdarə Heyətinin sədri kimi çalışıb. Buna qədər müxtəlif vaxtlarda Avropa Yenidənqurma və İnkişaf Bankının (EBRD) Maliyyə İnstitutları bölməsində (London) Baş Bank mütəxəssisi, ABN Amro Bankda (Moskva) Vitse Prezidentin müavini və United Georgian Bank-da (Tbilisi) müxtəlif vəzifələrdə calışıb. N.Şurqaya London Biznes Məktəbinin MBA dərəcəsi üzrə məzunudur.
Rabitəbank 2013-cü ildə menecment komandasını yeni peşəkarlarla gücləndirməkdə davam edəcək. Bu, Rabitəbank-ın müştərilərinə yeni keyfiyyətdə bank xidmətləri təklif etmək strategiyasının tərkib hissəsidir.
Rabitəbank ASC 1993-cü ildən fəaliyyət göstərir . Hazırda Bank 18 filial, 2 şöbə və 1 nümayəndəliklə ölkənin 14 regionunda geniş filial şəbəkəsi ilə təmsil olunur. –15D—
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz