Regional sənaye məhəlləsinin tikintisi üzrə tenderin müddəti 3 həftə sonraya keçirilib
Neftçala rayonunda sənaye məhəlləsinin yaradılması çərçivəsində tikinti işlərinin aparılması üçün podratçı müəyyən edilməyib. Bu səbəbdən “Azərbaycan İnvestisiya Şirkəti” (AİŞ) tenderi rəsmən uzadıb.
Bundan əvvəl elan edilmişdi ki, təkliflərin qəbulu iyulun 6-da başa çatır, tender proseduru iyulun 7-də olacaq. Hazırda isə təkliflərin qəbul müddəti daha üç həftə uzadılıb, tender təklifləri isə iyulun 28-də açılacaq.
Xatırladaq ki, Neftçala sənaye məhəlləsinin yaradılması haqda sərəncamı bu il fevralın 2-də dövlət başçısı verib. Sənədə görə, bu ərazidə qeyri-neft sənaye məhsullarının istehsalı, emalı müəssisəsi fəaliyyət göstərəcək. Məqsəd kiçik və orta sahibkarlığın dəstəklənməsidir.--17D—
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz