Rəsmi işsizlik azalır

Əgər II yarımilin əvvəlində ölkədə rəsmi işsizlik 5,59% idisə, indi 5,4%-dir (245 min 382 nəfər). 

Sentyabrın 1-i üçün Dövlətstatkom 4 mln 636,7 min əmək qabiliyyətli qeydə alıb. İşsizlərin əmək bazarında rəsmi olaraq 37 min 562, yanvarda 38,33 min nəfər olub. Demək, ilin əvvəlindən 768 iddiaçı iş tapıb. 

  Mövsümi istehlak deflyasiyası işsizlərin həyat səviyyəsinə də təsir edib – yayda onlar 0,6% «varlanıb”. Avqustda hər vakant yerə iki iddiaçı olub. Yanvar-apreldə bu göstərici 3 idi. 

Sentyabrın 1-i üçün işsizlərin əmək bazarında (13 min 128 nəfər, bunun 683 nəfəri müavinət alır) daha çox işsiz paytaxt və ətraf kəndlərdə olub. 10 min 109 işsiz Aran iqtisadi rayonunda qeydə alınıb. Bunun 403-ü müavinət alır. 

İşsizlik üzrə müavinətin orta həcmi avqustun sonunda 202,8 manat ($258,3) iyulun sonunda 204 manat olub. 

Ekspertlər bu məlumatlara inanmır. İqtisadi Tədqiqatlar Mərkəzinin (İTM) icraçı direktoru Qalib Toğrul Turan-a bildirib ki, rəsmi rəqəmlər məşğulluq mərkəzlərinə müraciətlər əsasında verilir. Adamlar aşağı əmək haqqı olan iş təklif edən bu strukturlara həvəssiz gedir. Bundan başqa, işsizlik səviyyəsi rəsmi göstəricilərdən 3 dəfə çoxdur. 

O hesab edir ki, Dövlətstatkom aqrar islahatlar nıəticəsində azca torpaq payı alan yüz minlərlə ailə başçısını da işsizlərə aid etməlidir. Torpağı bölən kolxoz sədrləri yaxşı torpaqları öz yaxınlarına verib. Yaşayış yerindən çox uzaq olması, su və  suvarma sisteminin yoxluğu, torpağın yararsızlığı, kredit almaq imkanının olmaması və s. səbəblərdən kəndlilər öz torpaqlarından yetərincə yararlana bilmirlər. --17D—