“Bank Standard” ASC-nin müvəqqəti administratoru Azərbaycan Maliyyə Bazarlarına Nəzarət Palatası oldu. Qurumun rəhbəri Rüfət Aslanlı bugünkü mətbuat konfransında bildirib ki, bankın aktivləri və likvidliyi ilə bağlı vəziyyətin pisləşməsi, maliyyə-kredit strukturu səhmdarlarının yaranmış vəziyyətdən çıxmaq üçün resurs və vasitələrə malik olmaması ilə əlaqadar qərar Direktorlar Şurası tərəfindən qəbul edilib.
R.Aslanlının sözlərinə görə, müvəqqəti tədbirlər 3 ay müddətində – bankın maliyyə sağlamlaşdırılması proqramı dövründə tətbiq edilir. Həmin məqsədlə Azərbaycan Mərkəzi Bankından yarım il müddətinə 15 mln. manat həcmində kredit alınıb. Banka hökumət dəstəyinin həcmi ay ərzində müəyyən ediləcək.
Palata rəhbəri görülmüş daha bir tədbir barədə bilgi verib. Belə ki, məhkəmənin qərarı ilə iyunun 3-dək manatlər və depozitlər üzrə ödənişlər olmayacaq.
“Sözügedən qurumdan başqa müvəqqəti inzibatçılıq etməyə başqa “namizəd” yoxdur, - R.Aslanlı ictimaiyyəti və digər bankları sakitləşdirib. Onun sözlərinə görə, rəhbərlik etdiyi qurun vəziyyətə nəzarət edir və bütün maliyyə-kredit təşkilatlarında stress-testlər keçirir.--17D—
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz