“ABB-Moskva Bank” MMC üçün bir bank zəmanətinin maksimum məbləği dörd dəfə artırılıb.
Ötən gün RF Federal Gömrük Xidmətinin (FGX) müvafiq əmri verilib. Əgər bundan əvvəl bu hədd 35 mln. rubl səviyyəsində idisə, hazırda 140 mln. rubl səviyyəsinə qalxıb, mövcud bank zəmanətlərinin birdəfəlik ümumi maksimal həcmi 700 mln.-dır (əvvəllər 170 mln. rubl olub).
Azərbaycan Beynəlxalq Bankının (ABB) məlumatına görə, müvafiq dəyişikliklər bankların, digər kredir təşkilatlarının və sığorta təşkilatlarının reyestrinə daxil edilib.
Xatırladaq ki, FGX 2010-cu il yanvarın 1-dən “ABB-Moskva Bank” MMC-ni gömrük rüsumlarının, vergilərin ödənişi üzrə bank zəmanətlərinin verilməsi hüququna malik bankların reyestrinə daxil edib. FGX-nin xeyrinə olaraq bank zəmanəti gömrük brokerlərinə və yükdaşıyıcılarına, müvəqqəti saxlama anbarlarının sahiblərinə verilir. Kredit təşkilatlarının sözügedən reyestrə daxil edilməsi bank müştərisi üçün bank zəmanətinin illik dəyərinin aşağı salınmasına, həmçinin onun təqdiredilmə müddətinin azaldılmasına imkan verir.
“ABB-Moskva Bank” (Beynəlxalq Bankın törəməsi) 2002-ci ildə təsis edilib. Bu 44,6 mlrd. rus rublu həcmində aktivləri olan (bu il yanvarın 1-i üçün) universal bankdır. Onun şəbəkəsi Moskva, Sankt-Peterburq və Yekaterinburqda təmsil olunub.
Ötən ilin avqustunda Moody’s InternationaleRatingAgency milli şkala üzrə Baa2 səviyyəsində reytinq verib. Moody’s Investors Service bankın beynəlxalq şkala üzrə proqnozunu B3 “stabil”dən B3 “müsbət”ə dəyişib. --17D—
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz