Rusiya, İran və Azərbaycan nəqliyyat infrastrukturunun, o cümlədən "Şimal-Cənub" dəhlizinin inkişafı üzrə tədbirlər görəcəklər. Bu barədə üç ölkə liderinin bu gün Bakıda imzalaması gözlənilən bəyannamə layihəsində deyilir.
"Tərəflər regional nəqliyyat-kommunikasiya imkanlarının inteqrasiyası üzrə iqtisadi cəhətdən səmərəli və ətraf mühit üçün təhlükəsiz nəqliyyat infrastrukturunun yaradılmasına yönəlmiş səyləri davam etdirmək niyyətindədirlər. Tərəflər beynəlxalq Şimal-Cənub nəqliyyat dəhlizi ilə yanaşı, mövcud sərnişin və mal daşınması imkanlarını yaxşılaşdırmaq məqsədilə nəqliyyat-kommunikasiya infrastrukturunun inkişafı üçün səmərəli addımlar atmaq niyyətindədirlər, - deyə "RİA-Novosti bəyannamə layihəsindən sitat gətirir.
Həmçinin qeyd olunur ki, Moskva, Tehran və Bakı bundan sonra da "Beynəlxalq Şimal-Cənub nəqliyyat dəhlizinin inkişafı və səmərəliliyinin artırılması çərçivəsində dəmir yollarının birləşdirilməsi üzrə yeni layihələrin həyata keçirilməsinə töhfə vermək" niyyətindədirlər.
Şimal-Cənub dəhlizi Şimali Avropanı Cənub-Şərqi Asiya ilə birləşdirməlidir. Layihənin həyata keçirilməsi zamanı Azərbaycan, İran və Rusiya dəmir yolları birləşdiriləcək. Birinci mərhələdə Şimal-Cənub dəhlizi ilə illik 5 mln. ton, gələcəkdə isə 10 milyon ton yük nəql etmək planlaşdırılır. -06D-
İqtisadiyyat
-
2024-cü ilin ilk on ayında Azərbaycanın tərəvəz və meyvə ixracı, Dövlət Statistika Komitəsinin məlumatına görə, ötən ilin eyni dövrü ilə müqayisədə fiziki çəkidə 4,1%, dəyər baxımından isə 1,7% azalıb. Kartof və fındıq kimi əsas ixrac məhsulları ciddi azalma ilə üzləşib, lakin alma, xurma və pomidor kimi məhsullar mülayim artım göstərib.
-
SOCAR-ın rəhbərliyi altında altı il əvvəl fəaliyyətə başlayan STAR Neftayırma Zavodunda indiyədək həyata keçirilmiş ən böyük planlı təmir 2024-cü ilin sentyabr-oktyabr aylarında baş tutdu. Bu təmir zavodun ilkin layihə ilə müqayisədə istehsal gücünü təxminən üçdə bir artırmağa imkan verəcək.
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
Rəy yaz