Siyasi Məhbusları Monitorinq Mərkəzi "Müsəlman Birliyi" Hərəkatının lideri Taleh Bağırzadə və Nardaran hadisələri üzrə ittiham olunan digər 17 nəfərin işi üzrə məhkəmə prosesi ilə bağlı bəyanat yayıb.
"Dindarların işi üzrə məhkəmə kobud qanun pozuntuları ilə keçirilir", deyə bəyanatda bildirilir. Belə ki, təqsirləndirilən şəxslərin onlara qarşı işgəncələr haqqında ifadələrinə və onların vəkillərinin bəyanatlarına baxmayaraq, nə məhkəmə, nə də prokurorluq orqanları bu şikayətlərin araşdırılması üçün heç bir tədbir görməyib.
"Prosesdə vəkillərin rolu minimuma endirilib: onların şikayətləri və vəsatətləri qəbul olunmur, zəruri ekspertizalar təyin edilmir", deyə bəyanatda qeyd edilir.
Eyni zamanda, tamamilə əsassız olaraq Nardaran hadisələri ilə heç bir əlaqəsi olmayan AXCP sədr müavini Fuad Qəhrəmanlı bu işə cəlb olunub. Siyasi Məhbusları Monitorinq Mərkəzi hüquq-mühafizə orqanları tərəfindən təqsirləndirilən şəxslərin təqsirsizlik prezumpsiyasının, İnsan Hüquqlarını Müdafiə Konvensiyasının 3-cü "İşgəncələrin qadağan olunması", 6-cı "Ədalətli məhkəmə təhqiqatı" və 13-cü "Səmərəli hüquqi müdafiə vasitəsi hüququ" maddələrinin pozulduğunu qeyd edir.
Yuxarıda qeyd edilənlərə istinadən, Siyasi Məhbusları Monitorinq Mərkəzi bildirir ki, sözügedən şəxslərin məhkəmə təqibinin hüquqi əsası yoxdur və ittiham hökmü çıxarılarsa, onlar "vicdan məhbusu" hesab olunacaqlar.
Siyasi Məhbusları Monitorinq Mərkəzi 2014-cü ilin oktyabrında bir qrup keçmiş "vicdan məhbusu" tərəfindən yaradılıb. Təşkilata onlardan biri, hüquq müdafiəçisi Elşən Həsənov rəhbərlik edir.
* 2015-ci il noyabrın 26-da Nardaran qəsəbəsində DİN-in xüsusi əməliyyatı keçirilib. Əməliyyat zamanı 15-dən çox insan, o cümlədən "Müsəlman Birliyi" Hərəkatının lideri Taleh Bağırzadə saxlanılıb. Bu zaman ikisi polis olmaqla, 6 nəfər həlak olub. –06В-
Cəmiyyət
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
Rəy yaz