![ABB Yuventus»la əməkdaşlıq sazişi imzalayıb](https://turan.az/resized/./turan-750-500-resize.webp)
ABB Yuventus»la əməkdaşlıq sazişi imzalayıb
Azərbaycan Beynəlxalq Bankı İtaliyanın futbol klubu “Yuventus”la əməkdaşlıq sazişi imzalayıb. Bugünkü mətbuat konfransında qeyd edilib ki, məqsəd Azərbaycanda uşaq futbolunun inkişafına dəstək verməkdir.
ABB və İtaliya çempionu “Yuventus” arasında saziş çərçivəsində Azərbaycanda bir sıra tədbirlər həyata keçiriləcək. İlk növbədə, “İnter Arena”nın bazasında “Yuventus” Futbol Akademiyası yaradılacaq. Bu akademiyanın təşkilində məqsəd Azərbaycanda uşaq futbolunun inkişafına dəstək və “İnter” Futbol Klubunun mövcud infrastrukturunun inkişaf etdirilməsidir.
“Yuventus” klubu ilə əməkdaşlıq Azərbaycan Beynəlxalq Bankının məhsul və xidmətlərinin beynəlxalq çevrədə təbliği baxımından da geniş imkanlar açır. Belə ki, bu əməkdaşlıq çərçivəsində Bank reklam və təbliğat məqsədilə “Yuventus” brendindən istifadə edə, öz loqotipini və reklam bannerlərini klubun rəsmi internet səhifəsində yerləşdirə biləcək. Azərbaycan Beynəlxalq Bankı Azərbaycan idmanının inkişafına dəstək layihələrini bundan sonra da davam etdirməkdə qərarlıdır, deyə məlumatda bildirilir.
Qeyd edək ki, «İnter» futbol klubu 2015-ci ildən ABB-yə məxsusdur. Klubun saxlanmasına ildə 7 mln manat xərclənir. “Yuventus”la sazişin məbləği açıqlanmır.
2015-ci ildə ABB-də maliyyə oğurluğu faktları aşkarlandı və keçmiş İH sədri, rəhbərləri bir neçə kredit sahibi həbs edildi. Dövlət bankın sağlamlaşdırılmasına 2015-ci ildə minimum 2,5 mlrd manat ayırıb və 5,6 mlrd manat problemli krediti idarəetməyə verib. 2016-cı ilin əvvəli üçün ABB-nin ödənilməmiş ziyanı 744,7 mln mant olub. Bankın səhmlərinin 82,23%-ə dövlət nəzarət edir. 08D
-
- Siyasət
- 8 Avqust 2016 14:32
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz