Erdoğan "Türk axını" üçün maneə olmadığını bildirib
Türkiyə prezidenti Recep Tayyip Erdoğan bildirib ki, Türkiyə hakimiyyəti "Türk axını"nın həyata keçirilməsi yolunda" ləngimədən addımlar atmağa"hazırdır. Layihə üzrə danışıqlar Su-24-üb vurulmasına görə Moskva və Ankara arasında münasibətlərin soyumasından sonra dayandırılmışdı.
Türkiyə hakimiyyəti Rusiya qazının bu ölkəyə ixracını təmin edəcək "Türk axını" qaz kəmərinin tikintisi layihəsinə start vermək üçün zəruri tədbirləri görməyə hazırdır.
"Biz bu layihənin həyata keçirilməsi istiqamətində ləngimədən addımlar atmağa, layihəni müzakirə etməyə və qərar qəbul etməyə hazırıq", deyə Erdoğan Rusiyaya səfəri ərəfəsində TASS-a müsahibəsində bildirib.
"2016-cı il iyulun sonlarına olan məlumata görə, Rusiyadan idxal edilmiş qazın həcmi 12,5 mlrd. kubmetr təşkil edib. Bu, Türkiyənin bu sahədə nə dərəcədə mühüm iqtisadi tərəfdaş olduğunu göstərir", deyə Türkiyə prezidenti qeyd edib.
2016-cı il iyulun sonlarında Rusiya hökumətinin baş naziri Arkadi Dvorkoviç Türkiyə baş nazirinin müavini Mehmet Şimşeklə danışıqlardan sonra bildirib ki, Türkiyə hakimiyyəti Rusiya ilə "Türk axını"nın tikintisi haqqında dialoqu bərpa etməyə hazırdır. Dvorkoviçin sözlərinə görə, layihə ilkin mərhələdədir, amma tərəflərin iradəsi olarsa, onu kifayət qədər tez irəlilətmək olar.
Sonradan "Qazprom"un sədr müavini Aleksandr Medvedev bildirib ki, "Türk axını" layihəsinin həyata keçirilməsi müddəti 2016-cı il avqustun 9-da prezidentlər Vladimir Putin və Erdoğanın görüşündə müzakirə olunacaq.
Avqustun əvvəllərində Türkiyənin Rusiyadakı səfiri Ümit Yardım yaxın gələcəkdə "Türk axını"nın tikintisi üzrə hökumətlərarası sazişi imzalamağın mümkün olacağına şübhə ifadə edib.
"Danışıqlar gedirdi və davam edir, amma hələlik biz hökumətlərarası sazişin imzalanmasından uzağıq", deyən Yardım qeyd edib ki, qaz kəmərinin tikintisi zamanı digər ölkələrin maraqlarını da nəzərə almaq lazımdır. Türkiyə Almaniyadan sonra böyüklüyünə görə "Qazprom"un ikinci satış bazarıdır. Rusiya qazının Türkiyəyə ixracı Qara Dənizin altından keçən "Mavi axın" qaz kəməri və Transbalkan qaz kəməri ilə həyata keçirilir. 2015-ci ildə "Qazprom" Türkiyəyə 27,01 mlrd. kubmetr qaz ixrac edib. Qazın əsas alıcısı Botas dövlət şirkəti olub. 1987-2015-ci illərdə Türkiyəyə ixrac edilmiş qazın ümumi həcmi 391 mlrd. kubmetrdən çox olub. -02D-
-
- İqtisadiyyat
- 8 Avqust 2016 13:41
-
- İqtisadiyyat
- 8 Avqust 2016 14:55
Siyasət
-
Həbsxanada 71 gündür aclıq edən ictimai fəal, I qrup əlil Famil Xəlilovun səhhəti ağır olaraq qalır. Bu barədə onun həyat yoldaşı Kiçikxanım Xəlilova bildirib.
-
Çərşənbə axşamı Birləşmiş Ştatlar bildirib ki, KXDR-in müharibədə Rusiyanın tərəfində iştirak etmək üçün əsgər göndərməsi haqqında məlumatları "araşdırmağa davam edir". "KXDR-in əsgərlərinin Putinin Ukraynaya qarşı müharibəsinə qoşulacağı doğrudursa, bu, təhlükəli və həddindən artıq narahatedici hadisə olacaq", bu barədə Dövlət Departamentinin mətbuat katibinin müavini Vedant Patel brifinqdə bildirib.
-
Azərbaycanın energetika naziri Pərviz Şahbazov "X" sosial şəbəkəsindəki hesabında Çinin Çindau şəhərində "Kəmər və Yol" nazirlər konfransında iranlı həmkarı ilə görüşü haqqında məlumat paylaşıb.
-
Çərşənbə axşamı baş nazir Nikol Paşinyan Yerevanda ABŞ Milli Təhlükəsizlik Şurasının Avropa üzrə baş direktoru Maykl Karpenter və Dövlət Departamentinin xüsusi nümayəndəsi Luis Bononu qəbul edib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 199
Rəy yaz