Maliyyə Nazirliyi noyabrın 17 və 20-də sığorta şirkətlərində rəhbər vəzifələrə namizəd şəxslər və sığorta agenti lisenziyası almaq istəyən fiziki şəxslər üçün imtahan keçirəcək.
Maliyyə Nazirliyinin məlumatında deyilir ki, iddiaçılar 16 noyabr saat 17-yə kimi iştiraklarını təsdiq etməlidirlər.
Arayış üçün bu elektron poçta müraciət etmək lazımdır: a.alizade@maliyye.gov.az.
Sığortaçıların attestasiyası 2009-cu ilin əvvəlindən sığorta qanunvericiliyinə uyğun olaraq həyata keçirilir. Qaydalara əsasən, sualların 70 faiz və daha çoxuna doğru cavab verənlər attestasiyadan keçir.
Sığortaçıların fəaliyyəti “Sığorta fəaliyyəti haqqında” qanunun 83.2.2 maddəsi ilə lisenziyalaşdırılıb.
15 mart 2009-cu ildən sığorta fəaliyyəti ilə məşğul olmaq istəyənlər üçün attestasiya icbaridir. --17D—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz