• flag_EN
    • flag_RU

Son yenilənmə

(5 saat əvvəl)
Alpinistlər mediaya hesabat verdilər
A- A A+
Turan İnformasiya Agentliyi
Turan İnformasiya Agentliyi

Alpinistlər mediaya hesabat verdilər

 

Noyabrın 15-də Azərbaycan Alpinizm Federasiyası (AAF) 2012-ci ilin iyul və avqust aylarında Pamir dağının zirvələrinə təşkil edilmiş böyük ekspedisiyaların nəticələri haqda mətbuat konfansı keçirib. Beynəlxalq Mətbuat Mərkəzində keçirilən tədbirdə idmançılar, media nümayəndələri və qonaqlar iştirak ediblər.
 
AAF-ın vitse-prezidenti Səridan Mursaqulov, uğurlu ekspedisiyalar və bu ekspedisiyaların nəticələri haqda məlumat verib.
Sonra çıxış edən AAF-ın baş katibi Nizami Mursaqulov sözügedən ekspedisiyaların baş tutmasında göstərdiyi dəstəyə görə, Rusiya Azərbaycanlıları Gənclər Təşkilatına (AMOR) təşəkkürünü bildirib.
 
Ekspedisiyada iştirak etmiş idmançılar Rüfət Qocayev və Firuz Dadaşov maraqlı təəssüratlarını bölüşüblər.
 
AAF-ın mətbuat xidmətinin rəhbəri Əvəz Qurbanlı qeyd edib ki, bu ekspedisiyalar Azərbaycanın görkəmli tarixi şəxsiyyətlərinin – M.F.Axundovun 200 illik yubileyinə və Niyazi Hacıbəyovun xatirəsinə təşkil olunub.
 
Mətbuat konfransında Federasiyanın qarşısında duran vəzifələr, görüləcək işlər və problemlərdən də danışılıb.
Sonda jurnalistləri maraqlandıran suallar cavablandırılıb.
 
Məlumat üçün deyək ki, AAF Rusiya Azərbaycanlıları Gənclər Təşkilatının (AMOR) və Gənclər və İdman Nazirliyinin dəstəyi ilə 2012-ci ildə Pamir dağının zirvələrinə ekspedisiyalar təşkil edib. Alpinizm üzrə Azərbaycan yığma komandasının üzvləri - Firuz Dadaşov, Rüfət Qocayev, Sirxan Məmmədov bu ekspedisiyaları uğurla başa vurmuş, iyul ayında Əbu Əli İbn Sina - keçmiş Lenin – (7134 m.), avqust ayında isə Yevgeni Korjenevski (7105 m.) və İsmayıl Samoni - keçmiş Kommunizm (7495 m.) zirvələrini fəth ediblər. Ekspedisiyalar müvafiq olaraq Azərbaycanın tarixi şəxsiyyətlərinə - Qarabağ xanlığının banisi və hakimi, dövlət xadimi Pənahəli Xan Cavanşirə və görkəmli Azərbaycan dirijoru və bəstəkarı Niyazi Tağızadə - Hacıbəyovun 100 illik, Mirzə Fətəli Axundovun isə 200 illik yubileyinə həsr olunub.
 

Rəy yaz

Cəmiyyət

Bizi sosial şəbəkələrdə izləyin

Xəbər lenti