Hökumət neftin ucuzlaşması ilə bağlı xərclərin ödəilməsi üçün resurslar arayır. Payız sessiyasında parlament Nazirlər Kabinetinin ticarət və ictimai iaşədə sadələşdirilmiş vergi dərəcəsinin artırılması təklifinə baxa bilər.
Bunun üçün Vergi Məcəlləsinə dəyiiklik edilməlidir. Hazırda Bakıda bu dərəcə 4%, əyalətlərdə 2%-dir. Məcəlləyə dəyişiklik qeydiyyat yeri yox, fəaliyyətə görə differensasiya nəzərdə tutur. Məcəllənin 220-ci maddəsində dəyişikliklərə əsasən, ticarət fəaliyyəti ilə məşğul olan sahibkarlar üçün sadələşdirilmiş vergi dərəcəsini dövriyyənin 6%-i, ictimai iaşə sahəsində fəaliyyət göstərən sahibkarlar üçün isə dövriyyənin 8%-i səviyyəsində müəyyən etmək təklif olunur.
Turan ekspertlərinin fikrincə, bu, əyalət üçün ədalətsiz qərardır. Çünki orda dövriyyə dəfələrlə azdır. Bu, dövriyyə səviyyəsinin süni azaldılması ilə nəticələnəcək.
Mövcud qanunvericiliyə görə, sadələşdirilmiş vergi illik dövriyyəsi 120 min manata qədər olan vergi ödəyiciləri üçündür. Praktika göstərir ki, gündə minlərlə gəliri olan iri mağazalr belə gerçəyə uyğun olmayan rəqəmlər təqdim edir. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz