"Şahdəniz -2"ni prezident seçkilərinin nəticələrinə bağlayırlar

"Şahdəniz" yatağının işlənməsinin “Mərhələ-2” layihəsinin təsdiqini Azərbaycan hökuməti oktyabrın ortaları – prezident seçkilərində səsvermə ərəfəsində görmək istərdi. 

Turan-ın əldə etdiyi məlumata görə, layihənin təsdiqi prezident seçkilərindən sonra, siyasi vəziyyət aydınlaşanda baş verəcək. 

Belçikanın New Europe həftəliyinə müsahibəsində ARDNŞ vitse-prezidenti Elşad Nəsirov məlumat verib ki, "Şahdəniz -2" çərçivəsində son investisiya qərarı 2013-cü ilin oktyabrı üçün veriləcək. O, əlavə edib ki, hazırda hər şey cədvəl üzrə gedir. 

Yanvarda Bakıda ВР-nin  "Şahdəniz" üzrə vitse-prezidenti Alasder Kuk (Alasdair Cook) jurnalistlərə bildirib ki, “Mərhələ-2” layihəsinin təsdiqi  2013-cü ilin II yarısında gözlənilir. Bunu onunla izah edib ki, iyunun sonunda "Şahdəniz" konsorsiumu iştirakçıları Avropaya qaz marşrutu seçəcəklər. Bundan sonra  "Şahdəniz -2" işlənməsi üzrə detallı layihələr hazırlamaq üçün hesablara korrektə ediləcək. 

Nəsirov həmçinin deyib ki, 2012-ci ilm dekabrın sonunda "Şahdəniz" səhmdarları "Mərhələ-2"nin 2013-cü il üçün büdcəsini təsdiq edəcəklər. 

Onun sözlərinə görə, Xəzərdən yanacaq almaq istəyən şirkət və ölkələrlə qaz satışı üzrə danışıqlar başlayıb və bu il martın sonuna başa çatmalıdır. 

Bundan sonra Nabucco West və TAP (Трансадриатический трубопровод) üzrə nəql qiyməti və qaz satışından mənfəət analiz ediləcək, 2013-cü ilin iyunu üçün tədarük marşrutu üzrə son qərar veriləcək. "Bundan sonra bu ilin oktyabrında son investisiya qərarı vermək imkanımız olacaq", - deyə Nəsirov bildirib. --0—