Tofiq Yaqublu və İlqar Məmmədov vicdan məhbuslarıdır

Tofiq Yaqublunun və İlqar Məmmədovun həbsi siyasi sifarişdir və hüquqi baxımdan tamamilə əsassızdır. Bu barədə bu gün Müsavat Partiyasının ofisində keçirilən mətbuat konfransının iştirakçıları bildiriblər. 

Müsavat Partiyası aparatının rəhbəri Arif Hacılı qeyd edib ki, T.Yaqublu və İ.Məmmədov İsmayıllı iğtişaşlarında iştirak edə bilməzdilər. Ora hadisələr başlayandan sonra gediblər və qanunazidd hərəkətlərdə iştirak etməyiblər. 

Xalq Partiyasının lideri Pənah Hüseyn, Şərq-Qərb Mərkəzinin rəhbəri Ərəstun Oruclu, REAL hərəkatının üzvü Azər Qasımov və Müsavat Məclisinin rəhbəri Arzu Səmədbəyli qeyd ediblər ki, 

istintaqda irəli sürülmüş ittihamlarla – iğtişaşların təşkili və hakimiyyət nümayəndəsinə müqavimət göstərmək - bağlı heç bir sübut yoxdur.

Həmçinin qeyd olunub ki, yaxın zamanlarda həbs olunanların hüquqlarını Müdafiə Komitəsi yaradılacaq ümummilli mitinq də daxil olmaqla, etiraz aksiyasının keçirilməsi qərara alınıb.  Çərşənbə günü İctimai Palatanın xüsusi iclası bu məsələyə həsr olunacaq. 

Həbs edilmiş T.Yaqublunun qızı Nərgiz bildirib ki, atasının, bundan əvvəl bacısı Nigarın həbsi ailənin iradəsini qıra bilməz və  haqq-ədalət uğrunda mübarizə davam edəcək. “Bizim ailəmiz sonadək mübarizə aparacaq, sən bizi sındıra bilməzsən”, - o, İ.Əliyevə müraciət edib.-03B-