Bu gün Milli Məclisdə 2017-ci və növbəti 3 il üçün dövlət büdcəsi və sosial-iqtisadi inkişaf konsepsiyası layihəsinin müzakirəsi zamanı maliyyə naziri Samir Şərifov deputatlar qarşısında çıxış edib.
Parlament komitələri qarşısında perspektivi qiymətləndirən nazir nikbin olub. O deyib ki, ilin əvvəlindən oktyabrın 1-dək Dövlət Neft Fondunun aktivləri 6,7% artaraq $35,82 mlrd olub. Neft-qaz sazişlərindən gəlirlər 5,88 mlrd manat təşkil edib.
Onun sözlərinə görə, aktivlər $3,9 mlrd daralmalı idi, amma Maliyyə Nazirliyi və AMB-nin sərt monetar siyasəti bunun qarşısını alıb.
«Dövlət Neft Fondunun 2017-ci il üçün büdcəsinin gəlirləri 8 370,6 mln. manat nəzərdə tutulur ki, bu da 2016-cı illə müqayisədə 4 889,1 mln. manat və ya 2,4 dəfə çoxdur. Fondun 2017-ci il üçün büdcəsinin xərcləri 6 951,3 mln manat təşkil edəcək ki, bu da 2016-cı illə müqayisədə 3685,0 mln. manat və ya 34,6% azdır. Fondun xərclərinin 87,8%-i və ya 6,1 mlrd manat dövlət büdcəsinə nəzərdə tutulan transferlər olacaq.
«Noyabrın 1-i üçün ÜDM 3,7% azalıb. Bu, əsasən tikinti sektorunda 27,4%, qeyri-neft sektorunda 6,1% azalma hesabına baş verib. Xarici ticarət, bankların kredit portfeli azalıb. 1998-ci ildən ilk dəfə tədiyə balansında kəsir olub. Ona görə hökumət daxili istehsalı artırmaq qərarına gəlib», - deyə nazir bildirib. --17D—
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz