Saxta və qəsdən müflisləşməyə görə cərimələrin məbləği 90 dəfə sərtləşdiriləcək

Prezident Administrasiyası müəssisələrin müəyyən məqsədlə və qəsdən müflis eln edilməsinə görə cərimələri sərtləşdirmək qərarına gəlib. İnzibati Xətalar Məcəlləsinin yeni layihəsinə əsasən, cəza indikindən 90 dəfə güclü olacaq.

Parlament düzəlişləri qəbul etsə, yeni redaksiya mayın 1-dən qüvvəyə minəcək. Layihənin 405-ci maddəsinə əsasən, saxta müflisləşmə, yəni kommersiya təşkilatının rəhbəri, mülkiyyətçisi və ya fərdi sahibkar tərəfindən kreditorlara olan borcun ödənilməsini təxirə salmaq və ya möhlət almaq və ya borcun azaldılmasına nail olmaq, yaxud borcu ödəməkdən yayınmaq üçün kreditorları aldatmaq məqsədi ilə özünü bilə-bilə yalandan ödəmə qabiliyyəti olmayan elan etməyə görə vəzifəli şəxslər 1 000 manatdan 2 000 manatadək (hazırda 55 manatdan 70 manatadəkdir), hüquqi şəxslər isə 10 000 manatdan 12 000 manatadək (hazırda 110 manatdan 200 manatadəkdir) miqdarda cərimə ediləcək.

406-cı maddəyə əsasən, digər şəxslərin mənafeyi naminə qəsdən ödəmə qabiliyyətsizliyinin yaradılmasına və ya artırılmasına görə vəzifəli şəxslər 2 000 manatdan 3 000 manatadək (hazırda 65 manatdan 90 manatadəkdir), hüquqi şəxslər isə 12 000 manatdan 15 000 manatadək (hazırda 160 manatdan 240 manatadəkdir) miqdarda cərimə ediləcək.

407-ci maddə (borclunun, öhdəliyin, əmlak barədə məlumatın, onun həcminin, yerinin və s gizlədilməsi) ziyanın 2 və 4 misli qədər cərimə ilə nəticələnəcək. --17D—