Trans-Adriatik boru kəməri (TAP) üzrə konsorsium İtaliyada Boru Kəməri Qəbul Terminalı və boru kəmərinin quruda tikintisi üzrə iki EPC (Engineering, procurement and construction) saziş imzalayıb.
"Enereco S.p.a." və "Max Streicher S.p.a." şirkətləri tərəfindən yaradılan birgə müəssisə boru kəmərinin dənizaltı hissəsinin quru ilə birləşdirilən hissəsinin inşasını həyata keçirəcək.
Bu sahənin uzunluğu 8 km, diametr 36 düymdür.
"Renco S.p.a." şirkəti isə boru kəmərinin sonuncu elementi, yəni TAP-ın "Snam" şirkətinin qaz şəbəkəsinə qoşulan hissəsini həyata keçirəcək.
Terminalda boru kəmərinin idarə edilməsi və nəzarət mərkəzi yerləşəcək.
Enereco 1988-ci ildə yaradılıb. Max Streicher S.p.a Streicher Group-un İtaliya filialıdır.
İtaliyanın Renco S.p.A şirkəti layihələndirmə, energetika, neft-qaz və mülki strukturlar üçün infrastruktur tikintisi ilə məşğul olur.
Qeyd edək ki, Cənub Qaz Dəhlizi layihəsinin bir hissəsi olan TAP kəməri ilə "Şahdəniz-2" çərçivəsində hasil olunan qaz Avropaya nəql olunacaq. Bu boru kəməri Türkiyə-Yunanıstan sərhədində TANAP kəmərinə qoşulacaq və Yunanıstan, Albaniya və Adriatik dənizindən keçməklə Cənubi İtaliyaya qədər uzanacaq. Boru kəmərinin uzunluğu 878 km təşkil edir.
Kəmərin gücü 10 mlrd kubmetr, genişlənmə imkanı 20 mlrd kubmetrdir. Azərbaycan qazı TAP kəməri ilə 2019-cu ilin sonundan nəql ediləcək. TAP layihəsində pay bölgüsü belədir: SOCAR (20%), BP (20%), Snam (20%), Fluxys (16%), Enagás (16%) və Axpo (5%).—0--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz