Səhmdar cəmiyyətlər hökuməti saymır

Öncə, iyunun 30-da kommersiya təşkilatlarının yuxarı təşkilat və ya təsisçilərə illik maliyyə hesabatı vermə müddəti bitir. İnzibati cəza sərt olsa da, çox az şirkət bu tələbə əməl edir.  

Mülki Məcəllə səhmdarların ümumi yığıncağının maliyyə ili başa çatandan sonra ilin I yarısından gec olmayaraq keçirilməsini nəzərdə tutur. «Kommersiya təşkilatının illik maliyyə hesabatlarının və birləşdirilmiş (konsolidə edilmiş) maliyyə hesabatlarının təqdim edilməsi qaydaları»na əsasən (Nazirlər Kabinetinin №97 qərarı (may, 2010-cu il), səhmdarlar maliyyə hesabatlarını 30 apreldən gec olmayaraq təsdiq etməlidir. Konsolidə edilmiş maliyyə hesabatları isə 30 iyuna kimi təqdim edilə bilər.

Nazirlər Kabinetinin qaydaları həmçinin həmin məlumatlardan sərbəst istifadə edilməsini təmin etmək şərtilə illik maliyyə hesabatının və birləşdirilmiş (konsolidə edilmiş) maliyyə hesabatlarının internet səhifəsində dərc olunmasını nəzərdə tutur. Bundan başqa, hesabatlar qanunla müəyyən edilmiş hallarda auditor rəyi ilə birlikdə mətbu orqanda dərc olunmalıdır. Prosesə nəzarət etmək üçün Azərbaycan Respublikasının Vergilər Nazirliyi ildə bir dəfə mart ayının 31-dək kommersiya təşkilatlarının siyahısını Maliyyə Nazirliyinə təqdim edir. 2013-cü ildə açıqlanan siyahıya əsasən, Azərbaycanda 500-ə yaxın şirkət birləşdirilmiş (konsolidə edilmiş) maliyyə hesabatlarını tərtib etməlidir.

Turan-ın monitorinqinə əsasən, Azərbaycan şirkətlərinin çoxunun korporativ saytı yoxdur. Saytı olanlar isə maliyyə hesabatını orda yerləşdirmir.

Rəsmi KİV-də birləşdirilmiş maliyyə hesabatları tərtib edən şirkətlərin illik hesabatları dərc edilməyə başlayıb. Onalrdan “Karat Holdinq”, “A + A” ticarət forması, “Xırman” firmasını göstərməl oldu. Maliyyə Nazirliyi indiyədək illik maliyyə hesabatı verməyən və onları dərc etməyən şirkətlərə qarşı tətbiq edilən inzibati sanksiyalar barədə cəmiyyəti məlumatlandırmır..-- 08B—