Səhmdar cəmiyyətlər təkcə qanunları yox, QKDK-nı da saymır

 2012-ci ildə Qiymətli Kağızlar üzrə Dövlət Komitəsinə 486 səhmdar cəmiyyət hesabat verib. Bu, hesabat verməli subyektlərin üçdə biridir. 

QKDK-nın məlumatına görə, 2011-ci il ilə müqayisədə hesabat verən SC-lərin sayı 5% artıb. Qanunun tələblərini pozan bir sıra SC-lərə inzibati sanksiyalar tətbiq edilib. 

Mülki Məcəlləyə əsasən, səhmdar cəmiyyətlər (100% dövlət mülkiyyətində olanlar istisna) illik hesabatları mətbuatda verməlidir. Bu hesabatlarda təşkilati-hüquqi forma dəyişikliyi, yaradılan və ya ləğv edilən törəmə strukturlar, səhmdarların sayı, 10%-dən çox səhmi olanların payı və s. barədə məlumatlar olur. İllik hesabtlara mühasibat balansı, auditor rəyi əlavə edilir. QKDK bu hesabatları yoxlayandan sonra 15 gün ərzində onlar dərc edilməlidir. Sehm.az analitik portalının 2012-ci ildə  apardığı monitorinqə görə, illik hesabatı 20-ə yaxın SC dərc etdirib. Bu hesabatların çoxu qanunvericiliyin tələblərinə uyğun olmayıb. SC-lərin 98%-i (hesabatlılığı xüsusi qanunvericiliklə tənzimlənən bank və sığorta şirkətlərindən başqa) illik hesabat və mühasibat balansını investorlarla yanaşı, səhmdarlardan da gizlədir. Təkcə «Xazar-Lada” и “Holcim (Azerbaycan”)» korporativ internet səhifəsində illik maliyyə göstəricilərini açıqlayır. 08B