Bu gün Zaqatala rayonunun Lahıç kəndinin bir qrup sakini Balakən-Bakı avtomobil yolunu bağlayıb.
Etiraz aksiyasının 50 iştirakçısı FHN-in 2012-ci ilin may və oktyabr aylarında baş vermiş zəlzələlərin nəticələrinin aradan qaldırılması üzrə fəaliyyətindən narazılıqlarını bildiriblər.
Ümumilikdə 200 evə ziyan dəyib, amma bu günə qədər cəmi 10-12 ev bərpa olunub, deyə kənd sakinlərindən biri Turan-a bildirib.
Mənbənin məlumatına görə, evlərin bərpası üçün ayrılmış vəsaitin təyinatı üzrə sərf olunmaması və mənimsənilməsi insanları qəzəbləndirir.
Hadisə yerinə polis və icra hakimiyyəti nümayəndələri gəldikdən sonra insanlar dağılıb. Bundan sonra vətəndaşların şikayətlərinə yerində baxmaq üçün FHN komissiyası kəndə yola düşüb.
Xatırladaq ki, Zaqatala-Balakən zonasında ziyan dəymiş evlərin sayı 1500-dən çoxdur. Onların bərpası üçün yüz milyonlarla vəsait ayrılıb, lakin evlərin əksəriyyəti indiyədək bərpa olunmayıb. “Kür” qərargahı fəallarının monitorinqi ayrılmış vəsaitin böyük məbləğdə mənimsənilməsi və vətəndaşların hüquqlarının pozulmasını üzə çıxarıb.
İndiyədək yüzlərlə ailə müvəqqəti və ya qohumlarının evlərində yaşamaq məcburiyyətindədirlər. -16D06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz