![İcbari sosial sığorta DSMF-nin gəlirlərinin üçdə birini təşkil edib](https://turan.az/resized/./turan-750-500-resize.webp)
İcbari sosial sığorta DSMF-nin gəlirlərinin üçdə birini təşkil edib
Yanvarda Dövlət Sosial Müdafiə Fondunun (DSMF) gəlirlərinin üçdə biri icbari sosial sığorta xətti ilə olub. Bu məqsədlə köçürülən 74,6 mln manatın 18 mln manatı büdcə təşkilatlarının, 56,6 mln manat özəl müəssisələri payına düşüb. DSMF-nin gəlirləri yanvarda 212 mln manat olub.
Bu, Fondun 14,8 mln manat və ya 7% büdcə profisiti yaranması ilə nəticələnib. Dövlət büdcəsindən transfertlər 137,2 mln manat, başqa gəlirlər 0,3 mln manat olub.
2013-cü ilin yanvar ayında Dövlət Sosial Müdafiə Fondunun xərcləri 197,2 mln manat olub. Pensiya və müavinətlərin maliyyələşdirilməsi üçün 195,2 mln manat vəsait yönəldilib. Pensiya xərcləri 192,4 mln manat, müavinətlər 2,8 mln manat, başqa xərclər 2 mln manat olub.
Xatırladaq ki, bu il DSMF-nin gəlirləri və xərcləri 2 mlrd 632 mln 695 min manat planlaşdırılıb. --17D—
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz