Səhmdarlar məhkəmələri ədalətsizdə suçlayırlar
“Baki Təmir Tikinti” Səhmdar Cəmiyyətinin üzvləri ölkə məhkəmələrindəki ədalətsizliklərə dair cümə günü RATİ-də mətbuat konfransı keçiriblər.
Səhmdar Vüqar İsmayılov ölkə məhkəmələrində baş verən ədalətsiliklər səbəbindən vətəndaşların hüquqlarının qorunmasının mümkünsüz olduğunu nəzərə çatdırıb. “Ölkə məhkəmələri ədalətin və ədalətlinin yox, ədalətsiliyin və ədalətsizin yanında durur”, - o, ölkə məhkəmələrindəki duruma dəyər verib. Məhz məhkəmələrdə hüquqlar qorunmadığı üçün məsələni ictimailəşdirmək məcburiyyətində qaldıqlarını nəzərə çatdırıb.
Digər səhmdar Hafiz Babalı cəmiyyətin Binəqədi rayonundakı 1,5 ha torpağının 2012-c ilin oktyabrında Əmlak Məsələləri Dövlət Komitəsi tərəfindən hərraca çıxarılması ilə bağlı komitəni məhkəməyə verdiklərini bildirib. Buna səbəb isə hərraca çıxarılan torpaq sahəsinin nə özəlləşdirilməsi, nə də icarəyə götürülməsi üçün cəmiyyət üzvlərinə təqdim olunmamasıdır. Hətta Əmlak Komitəsinin bu torpaqları hansı əsasla hərraca çıxarması belə səhmdarlara məlum olmayıb.
Səhmdarlar qanunsuzluğu aradan qladırmaq üçün 1 saylı Bakı İnzibati-İqtisad Məhkəməsinə iddia ilə müraciət edərək Əmlak Komitəsini qanunsuz hərracda ittiham ediblər. Prosesdə aydın olub ki, komitə bu hərracı cəmiyyətdən daxil olan sənədlər əsasında icra edib. Belə ki, komitəyə səhmdarlar adından torpağı özəlləşdirməyə və ya icarəyə götürməyə imkanları olmaması haqda protokol daxil olub. Bu protokolun səhmdarların 2012-ci il sentyabr yığıncağında qəbul edildiyi bildirilir. Məhkəmədə iddiaçı tərəfin şahidləri olan səhmdarlar adı çəkilən iclasda torpaq məsələsinin müzakirə olunmadığını deyiblər.
Qanunvericiliyə istinadən iclasın gündəliyində olmayan məsələ barəsində qərar qəbul edilməsinin özünün qanunsuz olduğunu bildiriblər. Dəlil-sübutlara baxmayaraq, 5 ay davam edən məhkəmə 2013-cü ilin mayında cavabdeh tərəfin addımlarının qanuniliyi haqda qərar verib. Daha sonra iddiaçı tərəf Bakı Apellyasiya Məhkəməsinə müraciət edib, ikinci instansiya məhkəməsi birinci instansiyanın qərarını olduğu kimi qüvvədə saxlayıb.
Bundan sonra iddiaçı tərəf səhmdarların iclasında qəbul edilən protokolun qanuni olub-olmaması haqda məsələni araşdırmaq üçün 2013-cü ilin sentyabrında Binəqədi Rayon Məhkəməsinə müraciət edib. 2013-cü il dekabrın əvvəlində Binəqədi məhkəməsi yenə də iddiaçı tərəfin şahid ifadələrini, dəlil-sübutlarını bir tərəfə qoyaraq cavabdehləri razı salan protokolun qanuni sayılması barədə qərar çıxarıb.
Səhmdarlar Qiymətli Kağızlar üzrə Dövlət Komitəsindən də şikayət ediblər. İddiaçı tərəf komitəyə səhmdarların hüquqlarını qorumağa səlahiyyətli olduğunu xatırladaraq məhkəmə prosesinə təmsilçi göndərməsini istəyib və QKDK prosesə 3-cü şəxs qismində cəlb olunub. Komitə məhkəməyə təmsilçi göndərməməklə qanunla nəzərdə tutulan vəzifəsini yerinə yetirməkdən faktiki imtina etməklə səhmdarları köməksiz vəziyyətdə qoyub.
“Ölkə məhkəmələri bu gündədir. Amma bütün bunlara baxmadan mübarizəmiz davam edir və haqqımızı bərpa etmək üçün səylərimizi əsirgəməyəcəyik”, - H.Babalı bildirib.
“Bakı Təmir Tikinti” 2001-ci ildə təsis edilib. 2001-2005-ci illərdə səhmlərinin 70%-i, 2012-də qalan 30%-i də özəlləşdirilib. Elə həmin ilin sentyabrında səhmdarlar birinci ümumi yığıncağa toplaşıblar. -05C-
-
- Mədəniyyət
- 10 Yanvar 2014 13:15
-
- Söz istəyirəm
- 10 Yanvar 2014 14:33
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz