![Sənaye parkları haqqında normativ aktlar qəbul edilib](https://turan.az/resized/./turan-750-500-resize.webp)
Sənaye parkları haqqında normativ aktlar qəbul edilib
Azərbaycan Respublikası İqtisadi İnkişaf Nazirliyi mayın 15-də Sənaye parklarının fəaliyyəti ilə bağlı bir sıra normativ aktları təsdiq edib. “Sənaye parkları haqqında Nümunəvi Əsasnamə”yə uyğun hazırlanan sənədlər mayın 25-də qüvvəyə minib.
İqtisadi İnkişaf Nazirliyinin kollegiyasının qərarı ilə “Hüquqi və fiziki şəxslərin sənaye parkının rezidenti kimi qeydiyyatdan keçmək üçün təqdim etdikləri ərizənin forması və ona əlavə edilən sənədlərin siyahısı”, “Sənaye parkının qeydiyyat şəhadətnaməsinin forması”, “Sənaye parkının rezidentlərinin reyestrinin aparılması qaydası” təsdiq edilib.
Qeydiyyat üçün ərizədə iddiaçılar müvafiq rekvizitlər ilə yanaşı sənaye və başqa ərazilərə ehtiyac, istehsal ehtiyacları, tullantıların ətraf mühitə təsiri, gözlənilən fiziki çirklənmə əks etdirilməli, investisiya planı açıqlanmalıdır.
Sənaye parkının rezidentinin qeydiyyatı haqda şəhadətnaməni parkın idarəetmə orqanı verir.
Sənaye parkının rezidentləri barədə məlumatı üçüncü şəxslər informasiya sorğusu ilə əldə edə bilər. Təsisçilər və onların payı barədə informasiyalar məxfi saxlanılır.
Ölkə prezidentinin fərmanı ilə iki sənaye və bir texnoloji park yaradılıb. Hazırda onların fəaliyyətini təmin etmək üçün hazırlıq işləri aparılır. 2013-cü ilin yanvarından sənaye və texnoloji parkların rezidentləri 7 il müddətinə bütün vergilərdən azad edilib. 08D
-
- İqtisadiyyat
- 29 May 2013 13:03
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz