Sentyabr ayinda İMB -da qiymətlər sabit qalib

Sentyabr ayında İlkin Mənzil Bazarında (İMB) ümumi aktivlik müşahidə edilsədə, qiymətlər əsasən sabit olaraq qalıb. Eyni vəziyyət  Respublikanın digər böyük şəhərlərində də müşahidə edilmişdir. Mütəxəssislərin hesablamalarına görə sentyabr ayı üçün İMB-da orta qiymət indeksi 1 kv.metr üçün 886 manat civarında qərarlaşıb. Ötən rübün müvafiq dövrü ilə müqayisədə qiymət dəyişməsi 2,6 %, ötən ilə nisbətdə isə 11,3 % artımla yadda qalıb. 2008-ci ilin sentyabr ayı (böhran dövrü) ilə müqayisədə isə qiymət azalması 25,8% təşkil edib. Qeyd edək ki, həmin dövr üçün 1 kv.metr mənzilin qiyməti 1194 manat olub.

Ay ərzində ən cəlb edici rayonlar Yasamal, Xəyai və Nəsimi rayonları оlmuşdur. Ay ərzində aparılan araşdırmalara əsasən alıcı aktivliyinin əsas hisssəsi 2 otaqlı mənzillərdə qeydə alınıb. Sentyabr ayı ərzində otaqlar üzrə yeni mənzillərin satışı təxminən 39%-2 otaqlıların, 30%-3 otaqlıların, 31% isə yerdə qalan 1,4,5 otaqlı mənzillərin payına düşüb. 

Ekspertlər son aylarda Təkrar Mənzil Bazarında olduğu kimi İlkin Mənzil Bazarındada aktivliyin artdığını vurğulayırlar. Bunu əsasən bazardakı ümumi tendensiyanın nəticəsi kimi əlaqələndirirlər. Mütəxəssislər hələdə, İMB-da satışa çıxarılan mənzillərin real qiymətləndirməni əks etdirmədiyini söyləyirlər. Eləcədə İMB-da sənədləşmə, kommunal xidmətlərin qənaətbaxş olmaması, ipoteka şərtlərinin əlverişsizliyi, süni qiymətləndirmə, inhisarçılıq və digər problemlərin də mövcudluğu bazardakı aktivliyə mənfi təsir göstərən əsas səbəblər kimi qeyd olunur. 

Yaxın günlərdə İMB-da sabitliyin davam edəcəyi, qiymətlərdə isə ciddi dəyişikliyin  müşahidə edilməyəcəyi proqnozlaşdırılır