Sığorta bazarında yeni tendensiyalar

Ölkənin sığorta bazarında yeni tendensiyalar var – həyat sığortası ikinci yerə keçib, yanvar-martda 19,73 mln manat toplanıb. 

Amma onun könüllü tibbi sığortaya çatmasına çox var. «Paşa Sığorta» ARDNŞ ilə müqavilə sayəsində şəriksiz liderdir. Bu növ üzrə 31 mln 653,81 min manat toplanıb. Həyat yığım sığortası üzrə 11,16 mln mln manat, avtomobillərin КАСКО sığortası üzrə 10,94 mln, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 8,57 mln, hava nəqliyyatının sığortası üzrə 3,68 mln, avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 11,96 mln manat yığılıb. 

Aprelin 1-i üçün sığorta bazarının həcmi 102 mln 229,96 min manat, il ərzində artım (1 aprel 2012-ci il üçün 81,64 mln manat) 20,1% olub. 

Daha çox mükafat könüllü növlər üzrədir – 74,05 mln manat. Bədbəxt hadisə və xəstəliklərdən sığorta üzrə 1,94 mln manat, hava nəqliyyatı vasitələri sahiblərinin mülki məsuliyyətinin sığortası üzrə 2,44 mln manat, yük sığortası üzrə 3,23 mln manat, su nəqliyyatının sığortası üzrə 215,85 min manat mükafat olub. 

Avtonəqliyyat vasitələri sahiblərinin mülki məsuliyyətinin sığortası üzrə 261,4 min manat, əmlakın yanğından və başqa risklərdən sığortası üzrə 4,93 mln manat, başqa könüllü növlər üzrə 637,14 min manat mədaxil olub. 

Xaricə səyahət sığortası üzrə 320,44 min manat, kənd təsərrüfatı bitkilərinin sığortası üzrə 13,47, ev heyvanlarının sığortası üzrə 28,89 min manat yığılıb. 

Ümumi mülki məsuliyyətin sığortası üzrə 1,45 mln manat, işə götürənlərin məsuliyyətinin sığortası üzrə 150,66 min manat, peşə məsuliyyətinin sığortası  üzrə 236,69 min manat mükafat yığılıb. 

İcbari növlər üzrə 28,18 mln manat sığorta haqqı toplanıb. Bu, ötən ilkindən  7,1 mln çoxdur. Hərbçilərin icbari sığortası üzrə 3 mln 266,76 min manat, məhkəmə və hüquq-mühafizə orqanları əməkdaşlarının icbari sığortası üzrə 1,99 mln manat toplanıb. 

Əmlakın icbari sığortası üzrə 2,31 mln manat, əmlak sahiblərinin mülki məsuliyyətinin icbari sığortası üzrə 81,72 min manat yığılıb. --17D--