Sığorta haqlarının üçdə birindən çoxu prezidentin qohumlarına məxsus şirkətlərin payına düşür
Bakı/19.09.16/TURAN: Ölkədə yığılan sığorta haqlarının 21%-i «Pasha Sığorta»nın payına düşür.
Sentyabrın 1-i üçün şirkət 74,7 mln manat sığorta haqları (ümumi göstərici 356,18 mln manat) toplayıb. «Pasha Həyat Sığorta» (56 mln manat) ilə birgə dövlət başçısının zövcəsinin qohumlarının sığorta biznesinin xüsusi çəkisi 36,7% olub. Rəqəmləri Maliyyə Bazarlarına Nəzarət Palatası açıqlayıb.
Bundan başqa, ilk beşliyə «AzərSığorta» (35,5 mln manat), «Atəşgah» (27,5 mln manat) və «Qala Həyat» (24,7 mln manat) da daxil olub.
Ödənişlərdə də «Pasha Sığorta» (28,4 mln - 20,8%) liderdir. Ardınca «Atəşgah Həyat Sığorta» (19,9 mln manat), «Pasha Həyat Sığorta» (14,5 mln manat), «Qala Həyat Sığorta» (14 mln manat) və «Atəşgah» (10 mln manat) gəlir. Cəmi 136,77 mln manat ödəniş edilib. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz