Borclulara aşağı məzənnə ilə ödəniş vəd edilir, sonra məlum olur ki...
Azərbaycan banklarında dollar krediti götürmüş müştərilərin aldadılması halları tez-tez baş verir. Banklar vətəndaşlara borcu ödəmək üçün daha aşağı məzənnə ilə ödənişə icazə verir. Müştərilər bu şərtlərə razı olub, ödənişə başlayır. Sonra məlum olur ki, müqavilə gerçək deyil, bank qalan məbləği real məzənnə ilə ödəməyi tələb edir.
«Bir qayda olaraq, bu müqavilələr şifahi olur, hüquqi qüvvəsi olmur. Banklar aldatma yolu ilə dollar borcu olanları ödənişə məcbur edir», - deyə Vəkillər Kollegiyasının üzvü Əkrəm Həsənov bizimlə söhbətində bildirib. Dolların məzənnəsi qalxandan sonra bir çox vətəndaşlar, xüsusən böyük borcu olan biznesmenlər krediti ödəməkdən imtina edir. Səbəb devalvasiyadır. Xarici valyuta ilə kreditlər dolların ardınca artır və prosesin sonu görünümr, - deyə ekspert bildirib.
«Bir çox müştərilər borcunu pulu olmadığı üçün yox, bir neçə dəfə artan məbləğə görə qaytarmaq istəmir. Borclular bunu ədalətsiz hesab edir. Banklar isə öz pullarını aldatmaqla qaytarmaq istəyir». Həsənov vətəndaşları ayıq olmağa çağırır.
Bank kreditlərinin ödənişi ilə bağlı böhran hökumətin real addımlarının olmaması ilə bağlıdır. Xatırladaq ki, maliyyə naziri Samir Şərifovun qərarı ilə dollar borclularına kompensasiya verilmir. Ekspert camiəsinin xarici valyuta ilə kredirlərin manata çevrilməsi, AMB yanında xüsusi struktur yaratmaqla yenidən kreditləşmə barədə təkliflərinə məhəl qoyulmur. Problemli kreditlərlə bağlı vəziyyət gərginləşir. Hətta problemli borcu olanlar inzibati qaydada həbs edilir. Hüquqşünaslar bunu qanunsuz hesab edir.
Amma AMB-də əmindilər ki, problemli kreditlərlə bağlı vəziyyət yaxşılaşır. Bu nikbinliyə əsas kimi «pis borcların» 0,3% azalması göstərilir. Amma ekspertlər bu bəyanatları qeyri-ciddi sayır. Rəsmi statistika problemli kreditlərin real həcmi barədə susur, onlar AMB-nin dediyindən xeyli çoxdur, - deyə ekspert bildirib.
Rəsmi məlumata görə, avqustun əvvəli üçün problemli kreditlərin real həcmi 1 mlrd 504,4 mln manatdır. Birin təsisçisi dövlət banklar ümumən 5 mlrd 417,8 mln manat (azalma 25,7%) və ya ümumi kreditlərin 32,4%-i verib. Özəl banklar 10 mlrd 784,5 mln manat (azalma 22,3%) və ya kreditlərin 64,5%-i verib. Qalan məbləğ bank olmayan kredit təşkilatlarının payına düşür. –0—
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz