Sığorta mükafatlarında KTS-in tayı yoxdur

I yarımildə yığım sığortası aktivləşib. Həyat sığortası üzrə 40,67 mln manatın 18,85 mln-u bu seqmentin payına düşür. Bədbəxt hadisə və xəstəliklərdən sığorta üzrə 18,99 mln manat mükafat olub. Sağalmaz xəstəliklərdən sığorta üzrə 114,78 min manat, ölüm üzrə 2,71 mln ayrılıb. Bu, bütün mükafatların (228,97 mln manat) 17,8%-dir. 

Mütləq göstəricilərdə könüllü tibbi sığorta liderdir. Bu növ üzrə 43,34 mln manat, avtomobillərin КАСКО sığortası üzrə 32,42 mln, avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 37,95 mln manat, əmlakın yanğından və başqa risklərdən sığortası üzrə 20,32 mln manat, yük sığortası üzrə 8,73 mln, hava nəqliyyatının sığortası üzrə 5,52 mln manat toplanıb. 

Könüllü mükafatlar 148,37 mln manat təşkil edib. Bədbəxt hadisə və xəstəliklərdən sığorta üzrə 5,78 mln manat, hava nəqliyyatı vasitələri sahiblərinin mülki məsuliyyətinin sığortası üzrə 1,79 mln manat, su nəqliyyatının sığortası üzrə 928,28 min manat yığılıb. 

Avtonəqliyyat vasitələri sahiblərinin mülki məsuliyyətinin sığortası üzrə 1,35 mln manat, xaricə səyahət sığortası üzrə 951,44 min manat, kənd təsərrüfatı sığortası üzrə 269,8 min, ev heyvanlarının sığortası üzrə 281,74 min manat, başqa növlər üzrə 834,01 min manat mükafat əldə edilib. 

Ümumi mülki məsuliyyətin sığortası üzrə 2,47 mln manat, işə götürənlərin məsuliyyətinin sığortası üzrə 794,03 min manat, peşə məsuliyyətinin sığortası  519,89 min manat toplanıb. 

İcbari növlər üzrə 80,6 mln manat yığılıb. Ay ərzində artım 12 mln-dur. AVSMMİS-dən başqa hərbçilərin icbari sığortası üzrə 10,92 mln manat, məhkəmə və hüquq-mühafizə orqanları əməkdaşlarının icbari sığortası 4,79 mln manat mədaxil olub. 

Əmlakın icbari sığortası üzrə 7,6 mln manat, daşınmaz əmlak sahiblərinin mülki məsuliyyətinin icbari sığortası üzrə 224,04 min manat, sərnişinlərin icbari sığortası üzrə 67,63 min manat (I rübdə qrafa boş idi) mükafat yığılıb. --17D—