Azərbaycan Sığortaçılar Assosiasiyasında (ASA) həyat sığortası mükafatlarının artması ilə bağlı yeni komitə yaradılıb.
Xatırladaq ki, hazırda Azərbaycanda 3 həyat sığortası şirkəti fəaliyyət göstərir. Bunlar "PAŞA Həyat", "Atəşgah Həyat" və "Qala Həyat" sığorta şirkətləridir.
«Komitədə ölkədə fəaliyyət göstərən 3 həyat sığortası şirkətlərinin hər birindən 2 nümayəndə iştirak edir. Komitəyə "Paşa Həyat" sığorta şirkətinin sədr müavini Niyaz İsmayılov rəhbərlik edəcək», - deyə press-relizdə bildirilir. Komitənin ilk görüşü bu həftə ərzində keçiriləcək. Görüşdə həyat sığortası bazarının vəziyyəti və inkişaf perspektivləri müzakirə ediləcək.
ASA 2006-cı ildə yaradılıb. Birliyin əsas məqsədi ölkədə fəaliyyət göstərən və birliyin üzvləri olan sığorta və təkrarsığorta şirkətlərinin inkişaf etməsinə köməklik göstərmək, onların sosial- iqtisadi, məlumat və digər inkişaf proqramlarını inkişaf etdirmək və bu sahədə elmi bilgiləri artırmaqdan ibarətdir. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz