SKMF 2013-cü ilin büdcəsinin 99%-i mənimsəyib

Sahibkarlığa Kömək Milli Fondu Göyçay və ətraf rayonlarda işləyən sahibkarlara güzəştli kreditlər verib. 

Fonddan verilən məlumata görə, müvəkkil kredit təşkilatları vasitəsilə 46  sahibkarlıq subyektinə 613 min manat güzəştli kredit vəsaiti verilib. Bu kreditlər hesabına 80-ə yaxın yeni iş yeri yaradılacaq.

 Bu ilin əvvəlindən 3634 investisiya layihəsinin maliyyələşməsinə 246,7 mln manat ayrılıb. İndiyədək Aran iqtisadi rayonunda cəmi 305,7 mln manatlıq 6750 layihə həyata keçirilib. 

SKMF 1992-ci ildə yaradılıb. 2002-ci ildən fəal şəkildə kredit verməyə başlayıb. Kreditlər 38 müvəkkil bank və qeyri-bank kredit təşkilatı vasitəsilə verilir. 2012-ci ildə Fond 2400 layihəyə 218 mln manat güzəştli kreditlər verib. 2013-cü ildə SKMF xətti ilə sahibkarlığın güzəştli kreditləşməsinin həcmi 250 mln manata çatacaq. Beləliklə, Fond 2013-cü ilin büdcəsinin 98,7%-i mənimsəyib. --15D--