SKSP iki sənaye parkı üzrə üç müqavilə bağlayıb

«Sumqayıt Kimya Sənaye Parkı» (SKSP) öz ərazisində, eləcə də idarə etdiyi Mingəçevir Sənaye Parkının ərazisində işlərin görülməsi üzrə üç müqavilə bağlayıb.

Oktyabrın 28-də açıqlanan məlumata görə, “İMA-Energy” MMC 94.13 hektar əraziyə elektrik verilişi xəttinin çəkilişi, yarımstansiya tikintisi işləri üzrə müqavilə bağlayıb.

“M-NAF” MMC qalan zəruri mühəndis xətlərinin tikintisini həyata keçirəcək.

“Litosfer” MMC Mingəçevir Sənaye Parkında 14.8 hektar torpaq sahəsində köhnə bina və qurğuların söküntüsü və hamarlanma işlərini ilə məşğul olacaq.

SKSP qanunvericiliyə zidd olaraq, bağlanan müqavilələrin məbləğini açıqlamır. Sumqayıt Kimya Sənaye Parkını İqtisadiyyat Nazirliyi idarə edir. İqtisadiyyat Nazirliyi dövlət satınalmalarına nəzarət edir. SKSP və dövlət tərəfindən maliyyələşdirilən müqavilələrin detallarını açıqlamayan digər dövlət təşkilatlarının hərəkətlərini şərh edərkən İqtisadiyyat Nazirliyində deyiblər ki, onlar təlimlərdə öz təmsilçilərinə satınalmaların nəticələri barədə informasiyaların yerləşdirilməsi  tələbinə əməl etməyi tövsiyə edirlər. Amma hələlik bu tələbə hətta nazirliyin tabeliyində olanların çox az hissəsi əməl edir. 08D