Almaniyanın Azərbaycandakı yeni səfiri Mixael Kindsqrab oktyabrın 24-25-də Göygöl və Şəmkir rayonlarına səfər edib. 19-cu əsrin əvvəllərində burada almanlar məskunlaşıb və Helenendorf və Annenfeld adlandırılıb.
AFR səfirliyi bildirir ki, oktyabrın 24-də səfir Göygöl Rayon İcra Hakimiyyətinin başçısı Arif Seyidovla görüşüb, rayonun tarixi və inkişafı ilə bağlı fikir mübadiləsi aparıb.
Səfir ilk alman mühacirlərin məskunlaşdığı küçələrlə tanış olub. Rayonun sonuncu alman sakini, bir neçə il əvvəl vəfat etmiş Viktor Klaynın məzarını ziyarət edib. Onun evində Azərbaycanda yaşamış almanların xatirəsinə muzey yaradılıb.
Səfir yerli şərab- araq zavodunda olub. Yeni istehsal metodları ona təqdim edilib. Oktyabrın 25-də səfir Kindsqrab Şəmkirdə rayonun 200 il öncə şvab mühacirlər tərəfindən salınmış hissəsini və kilsəni ziyarət edib.-16D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz