Bu ilin 4 ayında Sumqayıt Kimya-Sənaye Parkının rezidenti statusu üç şirkətə verilib. Onlar 8,5 ha ərazidə sənaye fəaliyyəti təşkil edəcək.
Bu il “Baku Non Ferrous and Foundry Company” MMC (5 ha), “SİKA” MMC (1,5 ha) və “MST Engineering Services” MMC (2 ha) SKSP-nin rezidenti olub.
Beləliklə, SKSP-nin 192 hektar sənaye zonasının 83,5 hektarı 7 rezident arasında bölünüb.
Parkı idarə edən şirkətin (Sumqayıt Kimya-Sənaye Parkı MMC) məlumatına görə, parkın ərazisi 295,62 hektardır. SKSP-nin Baş planına əsasən, parkın sənaye zonasına 192 ha ayrılıb. Burda kənd təsərrüfatı və tibb kimyası, tikinti kimyası, elektron və avtomobil kimyası, polimerlər və tikinti avadanlığı məhsulları istehsalı üçün ərazilər yerləşəcək.
Hazırda dərman preparatları istehsalının təşkili üçün danışıqlar aparılır. 21 hektarlıq sosial zonada parkın rezidentlərinə geniş imkanlar yaradılacaq. Burda 16 və 20 mərtəbəli ofis binaları olacaq. Sərgi və konfransların keçirilməsi üçün kompleks, laboratoriya korpusu, emalatxanalar, uşaqlara qulluq mərkəzi, qapalı və açıq idman meydançaları, sağlamlıq mərkəzi, yataqxana kompleksi, eləcə də digər obyektlər rezident və işçilərə xidmət göstərəcək. 08B
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz