SOCAR AQŞ daha bir mürəkkəb qazma layihəsini uğurla başa çatdırdı
SOCAR AQŞ mürəkkəb layihələrdən biri olan, eləcə də SOCAR-ın tarixində Günəşli yatağında ilk dəfə 8 saylı platformadan yan lülə quyusu qazıb.
Yan lülə quyusu Fasilə lay dəstəsinə uğurla qazılaraq sifarişçi SOCAR-ın “Azneft” İstehsalat Birliyinə təhvil verilmişdir.
Quyuda 6 5/8” istismar kəməri daxilində istiqamətləndirici qoyularaq, iki kəmərdən pəncərə kəsilərək yan lülə 2985 metr dərinliyə uğurla qazılmışdır. Qazma əməliyyatları yerinə yetirilərkən real zamanda təzyiqlərə, layların dəyişməsinə və quyu istiqamətinə nəzarət olunmuşdur.
Quyu layihə dərinliyinə qazıldıqdan sonra, 4 ½” istismar quyruq kəməri xüsusi asqı avadanlığı vasitəsilə uğurla endirilmişdir.
Udulmaya meyilli layların mövcudluğunu nəzərə alaraq SOCAR AQŞ bu quyuda ilk dəfə olaraq yeni texnologiyalardan istifadə etməklə istismar quyruq kəmərini sementləmişdir. İstismar quyruq kəməri quyuağzı avadanlıqla birgə plana uyğun olaraq kipliyə sınanmış, sifarişçi tərəfindən təyin edilmiş hədəflər üzrə obyekt tam açılmış və quyu yüksək debitlə istismara verilmişdir.
SOCAR AQŞ-nin Baş direktoru Samir Mollayev qeyd edib: “Yan lülə quyularının qazılması uzun illər istismarda olan bir çox quyunun debitini artırmaq üçün olduqca önəmlidir. Belə ki, Günəşli yatağında 300-dən çox quyunun hasilatını yenidən bərpa etmək üçün yan lülə quyularının qazılması xüsusi əhəmiyyət kəsb edir. Bu, ölkənin neft hasilatının uzunömürlülüyünün təmin edilməsinə, quyuların daha məhsuldar olmasına, eləcə də qazma işlərinin səmərəliliyinin artırılmasına xidmət edəcəkdir”.
Quyunun layihələndirməsində və qazılmasında vahid komanda kimi iştirak edən, əməliyyatların keyfiyyətlə və düzgün qaydada yerinə yetirilməsində SOCAR-ın “Azneft” İstehsalat Birliyinin rolu böyük olmuşdur.
Quyunun qazılması zamanı əməliyyatlar sağlamlıq, təhlükəsizlik və ətraf mühitin mühafizəsi tələblərinə uyğun aparılmışdır. Hal-hazırda quyuda mənimsəmə işləri uğurla davam etdirilir.
SOCAR AQŞ haqqında:
SOCAR AQŞ 2007-ci ildə Azərbaycan Respublikası Dövlət Neft Şirkəti (SOCAR), Nobel Energy və Abşeron Qazma MMC (AQŞ) tərəfindən təsis edilmiş kompleks qazma və quyu xidmətlərinin idarə edilməsi şirkətidir.
Şirkət qabaqcıl qazma texnologiyalarını və yeni idarəetmə üsullarını tətbiq etməklə neft və qaz quyularının qazılması sənayesində çoxillik təcrübəyə malikdir. SOCAR AQŞ ölkənin qazma sənayesində innovativ yanaşmalar tətbiq edən lider şirkət olub, təhlükəsiz və etibarlı həllər təqdim edən uğurlu fəaliyyət təcrübəsinə malikdir.
SOCAR AQŞ 2009-cu ildən Beynəlxalq Qazma Podratçıları Assosiasiyasının (IADC) üzvüdür və bütün tətbiq olunan beynəlxalq standartlara tam uyğun fəaliyyət göstərir.
Daha ətraflı: https://www.socar-aqs.com/az/ ®
-
- Söz istəyirəm
- 9 Oktyabr 2023 16:31
-
- Aktual Reportaj
- 9 Oktyabr 2023 17:23
İqtisadiyyat
-
Kənd təsərrüfatı Azərbaycan iqtisadiyyatının əsas komponenti olaraq qalır və ölkənin ümumi daxili məhsuluna (ÜDM) mühüm töhfə verir. 2024-cü ilin ilk dörd ayında kənd təsərrüfatı sektorunun ÜDM-ə töhfəsi 2 milyard 116 milyon manat təşkil edib ki, bu da 2023-cü ilin eyni dövrü ilə müqayisədə 1,6 faiz çoxdur.
-
Dövlət Statistika Komitəsinin və Energetika Nazirliyinin son hesabatlarına əsasən, 2024-cü ilin ilk dörd ayında Azərbaycanın neft-qaz sektorunda hasilat və ixrac həcmlərində nəzərəçarpacaq dərəcədə azalma müşahidə olunub. 2024-cü ilin yanvar-aprel aylarında neft və qaz kondensatı da daxil olmaqla maye karbohidrogenlərin ümumi hasilatı 9,64 milyon tona çatıb ki, bu da 2023-cü ilin eyni dövrü ilə müqayisədə 5,7% azdır.
-
Rəqəmsal İnkişaf və Nəqliyyat Nazirliyi yanında Azərbaycan Kosmik Agentliyi (“Azərkosmos”) “Azerspace-1” telekommunikasiya peykinin sığortası üzrə 66,5 milyon ABŞ dolları dəyərində açıq tenderin nəticələrini elan edib. Tenderin qalibi Azərbaycanın aparıcı sığorta şirkəti olan “PAŞA Sığorta” ASC olub.
-
Şimal-Cənub beynəlxalq nəqliyyat marşrutunun əhəmiyyətli inkişafı çərçivəsində 2024-cü ilin iyununda Azərbaycanı İranla birləşdirəcək Rəşt-Astara dəmir yolu hissəsində geoloji kəşfiyyat işlərinə başlanması planlaşdırılır. TASS-ın xəbərinə görə, bu bəyanatı “Rusiya - İslam dünyası: Kazanforum 2024” mövzusunda XV Beynəlxalq İqtisadi Forum çərçivəsində Rusiya Federasiyasının nəqliyyat nazirinin müavini Dmitri Zverev bildirib.
Rəy yaz