![SOCAR Balkan ölkələri ilə IAP kəməri üzrə memorandum imzalayıb](https://turan.az/resized/./turan-750-500-resize.webp)
SOCAR Balkan ölkələri ilə IAP kəməri üzrə memorandum imzalayıb
SOCAR, Xorvatiya, Albaniya, Bosniya və Herseqovina, Monteneqro arasında İon-Adriatik Qaz Kəməri (IAP) layihəsinin gələcək inşası üzrə Anlaşma Memorandumu imzalanıb, deyə Xorvatiya mətbuatı məlumat yayıb.
İmzalanma avqustun 25-26-da keçirilən Dubrovnik Forumu çərçivəsində baş tutub.
Sənədi SOCAR tərəfindən "SOCAR Balkan"nın icraçı direktoru Murad Heydərov imzalayıb.
IAP boru kəmərinin Trans-Adriatik Boru Kəmərinə (TAP) birləşdirilməsi nəzərdə tutulur.
IAP vasitəsilə Azərbaycan qazı Cənub-şərqi Avropa ölkələrinə tədarük ediləcək.
IAP kəmərinin Splitdən (Xorvatiya) Fierə (Albaniya) qədər uzunluğu 516 km təşkil edir. Boru kəmərinin ötürücülük gücünün illik 5 mlrd kubmetr olması nəzərdə tutulur.
"Biz İon-Adriatik qaz kəmərinin inkişafı ilə bağlı birgə təşəbbüsü müəyyən etdik. Ümid edirik ki, bu marşrut şimal və cənub arasında əlaqə olacaq və Avropada qaz nəqli bazarının tam sərbəstləşməsi üçün zəmin ola biləcək" - deyə Xorvatiyanın iqtisadiyyat naziri Tomislav Panenik bildirib.
Bosniya və Herseqovinanın xarici ticarət naziri Mirko Saroviç deyib ki, rəsmi Bosniya və Herseqovinanın əsas tələbi boru kəmərinin bir hissəsinin bu ölkədən keçməsi olub: "Ümid edirik ki, bu hissə Neum dəhlizi ilə davam edəcək".
Nazir vurğulayıb ki, ölkəsi bu regional layihəni və yaxınlaşmanı dəstəkləyir.
Albaniyanın enerji və sənaye nazirinin müavini İlir Beytya diqqətə çatdırıb ki, Dubrovnik Forumunda qaz təminatında təhlükəsizliyin vacibliyi vurğulanıb. O əlavə edib ki, mənbələri şaxələndirməklə yanaşı, bu layihə qaz tədarükünü də sabitləşdirəcək.
Xatırladaq ki, ТАР kəmərinin təşkilatçıları artıq IAP-ı işləyənlər, o cümlədən Plinacro (Xorvatiya), BH-Gas (Bosniya və Herseqovina), Geoplin Plinovodi (Sloveniya) şirkətləri, eləcə də Monteneqro və Albaniya nümayəndələri ilə memorandum imzalayıb.
ТАР və IAP işçi qrupları yaradılıb, burada texniki məsələlər razılaşdırılır. –12D--
-
- İqtisadiyyat
- 29 Avqust 2016 12:04
-
- İqtisadiyyat
- 29 Avqust 2016 12:30
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz