“SOCAR Polymer İnvestments” MMC-nin kapitalına yeni investisiyalar ayrılıb. Artımdan sonra şirkətin ödənilmiş kapitalının həcmi 138,4 mln manata çatıb.
2015-ci ilin iyununda yaradılan zaman bu şirkətin kapitalına 101 mln manat, “SOCAR Polymer” (iyul, 2013) MMC-nin kapitalı qədər vəsait qoyulub. Amma ikincidən fərqli olaraq, “SOCAR Polymer İnvestments” MMC-nin təsisçiləri açıqlanmır. SOCAR-ın “SOCAR Polymer” MMC-də pay iştirakı barədə yeganə mənbə SOCAR-ın korporativ istiqraz emissiyası prospektidir. Orada qeyd edilir ki, SOCAR-ın payı 71%-dir. 2015-ci ilin aprelində SOCAR bildirib (https://goo.gl/QgGmG1) ki, “SOCAR Polymer” MMC-nin təsisçilərinin sırasına 3 holdinq daxildir: “Pasha Holding”, “Azersun Holding” və “Gilan Holding”.
“SOCAR Polymer” MMC Sumqayıt Kimya-Sənaye Parkının rezidentidir. Müəssisənin tikintisinə 30 ha ayrılıb. İnvestisiya həcmi (https://goo.gl/WzmprW) 700 mln avro qiymətləndirilir. Zavod 2018-ci ildə istismara veriləcək.
“SOCAR Polymer” MMC hər il Kanada texnologiyası ilə 180 min ton polipropilen və Avstriya texnologiyası ilə 120 min ton yüksək sıxlıqlı polietilen istehsal edəcək. Müəssisə Sumqayıtda istehsal edilən propilen və etilendən istifadə edəcək. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz