![SOCAR-ın qazancının əsas hissəsi Azərbaycanın daxili bazarında formalaşır](https://turan.az/resized/./turan-750-500-resize.webp)
SOCAR-ın qazancının əsas hissəsi Azərbaycanın daxili bazarında formalaşır
Azərbaycan Dövlət Neft Şirkətinin banklar qarşısındakı kreditor borcları $6,3 mlrd. və ya 9,4 mlrd. manat təşkil edir. Bu barədə SOCAR-ın iqtisadi məsələlər üzrə vitse-prezidenti Süleyman Qasımov bildirib.
O əlavə edib ki, SOCAR-ın Azərbaycan bankları qarşısındakı borcunun həcmi 1,095 mlrd. manat təşkil edir.
Onun sözlərinə görə, 2015-ci ildə SOCAR H.Əliyev adına NEZ-in modernləşdirilməsi üçün 1,2 mlrd. manat, Bulla-Dəniz, Ümid, Günəşli yataqlarındakı qaz quyularının qazılması üçün 600 manat həcmində kreditin cəlb edilməsi məqsədilə Azərbaycan Beynəlxalq Bankı ilə razılıq əldə edib.
“Bu vəsait 5 il ərzində tranş yolu ilə alınacaq. 2015-ci ildə NEZ-in yenidən qurulması üçün 69 mln. manat, quyuların qazılması üçün 200 mln. manat həcmində tranş almışıq”, - o qeyd edib.
S.Qasımov əlavə edib ki, 2015-ci ilin yekunlarına görə, SOCAR-ın aktivləri 39,9 mlrd. manat təşkil edib ki, bu da 2008-ci ilin göstəricisindən 3,1 dəfə çoxdur.
Onun sözlərinə görə, 2015-ci ildə şirkətin gəlirləri 2014-cü illə müqayisədə 18% azalaraq 33 mlrd. manat təşkil edib.
“Əsas həcm neft və neft məhsullarının satışı il bağlı SOCARTrading-in fəaliyyətindən əldə edilib. Odur ki, neftin dünya qiymətinin azalması şirkətin gəlirlərinin azalmasına səbəb olub”, - o bildirib.
S.Qasımov əlavə edib ki, hələlik SOCAR-ın əsas qazancı – 65%-ə yaxın Azərbaycanın daxili bazarında formalaşır.–12В--
-
- İqtisadiyyat
- 29 İyun 2016 11:03
-
- Siyasət
- 29 İyun 2016 11:19
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz