SOCAR Petroleum SA (SOCAR-ın Rumıniyadakı törəməsi) 2015-ci ildə 2 mln lev ($502,2 min) mənfəət əldə edib, deyə Rumıniya KİV-i məlumat verir.
SOCAR Petroleum SA 6 illik fəaliyyəti dövründə ilk dəfə mənfəət əldə edir.
«2015-ci ildə SOCAR Petroleum SA 2010-2014-cü illərdəki ziyandan sonra ilk dəfə mənfəət əldə edib. 2014-cü ildə şirkətin ziyanı 8,8 mln lev ($2,21 mln), 2015-ci ildə mənfəəti 2 mln lev ($502,215 min) olub», – deyə nəşr SOCAR Petroleum SA-ya istinad edərək bildirir.
KİV-in məlumatına görə, 2015-ci ildə şirkətin dövriyyəsi 616,2 mln lev ($154,8 mln) olub. Bu, 2014-cü ildəkindən 17% azdır. Azalma yanacağın ucuzlaşması ilə bağlıdır.
SOCAR Petroleum SA əməkdaşlarının sayı 2015-ci ilin sonu üçün 408 nəfərə çatıb.
SOCAR Rumıniyada neft məhsullarının pərakəndə satışına 2011-ci ildə başlayıb. SOCAR Rumıniyada YDM şəbəkəsinin yaradılması və genişləndirilməsinə $71,3 mln xərcləyib. Hazırda Rumıniyada “SOCAR” brendli YDM sayı 34-ə çatıb. –0—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz