SOCAR 2015-ci ildə qazpaylayıcı şəbəkənin tikintisi və əsaslı təmirinə 350 mln manat yönəldib. Bu barədə hökumətin “Cənub qaz dəhlizi”nə vəsait cəlb etmək üçün (SOCAR-ın payının maliyyələşdirilməsi – red.) martda buraxdığı xüsusi hesabatda bildirilir. Hesabata əsasən, bu vəsaitlərin hesabına 12 min km magistral və daxili qaz kəməri, üç ölçmə qovşağı, 5 qazpaylayıcı stansiya (QPS) və 3 modul tipli qazpaylayıcı stansiyanın tikintisi başa çatıb.
Bundan başqa, 533,4 km qaz kəməri və 25 QPS təmir edilib.
Bu işlərin nəticəsində 2015-ci ildə Azərbaycanda 430 yaşayış məntəqəsi, 12 genişləndirilmiş yaşayış məntəqəsi qazlaşdırılıb, 100 min abunəçi qazla təmin edilib.
1 yanvar 2016-cı il üçün SOCAR-ın qaz abunəçilərinin sayı 1,8 mln təşkil edib.
Həmçinin qeyd edilib ki, 1 yanvar 2016-cı il üçün qaz kəməri layihəsinə kapital qoyuluşu $1 mlrd, ТАР qaz kəməri layihəsinə 600 mln avro təşkil edib. –12В—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz