SOCAR artıq "Ümid" yatağından 1 mlrd kubmetr qaz çıxarıb. Bu barədə Caspian Oil & Gas 2016 konfransında SOCAR-ın I vitse-prezidenti Xoşbəxt Yusifzadə məlumat verib. .
Bu qazın hamsı daxili bazara tədarük edilir,
Onun sözlərinə görə, 2012-ci ilin sentybarından "Ümid" yatağında 153 min ton (1,28 mln barrel) kondensat çıxarılıb.
Yusifzadə deyib ki, hasilat iki quyudan həyata keçirilir və üçüncü istismar quyusu qazılır.
Onun sözlərinə görə, SOCAR bu yataqda hasilatı öz vəsaitləri hesabına aparır.
Yatağın işlənməsi çərçivəsində dörd yeni özül tikiləcək. Bunlar yatağın müxtəlif yerlərində olcaq və proses 4 il çəkəcək. Bu özüllərdə 19 istismar quyusu qazmaq planlaşdırılır.
"Ümid" yatağı 2010-cu ilin noyabrında kəşf edilib. SOCAR yatağın ehtiyatının 200 mlrd kubmetr qaz və 40 mln ton kondensat olduğunu iddia edir.
Yataq Bakıdan 75 km cənubda, sahildən 40 km məsafədədir.
2013-2014-cü illərdə SOCAR "Ümid" yatağının və ona yaxın olan “Babək” strukturunun işlənməsi üzrə tender elan edib. Tenderə 13 xarici şirkət müraciət edib. Amma neftin kəskin ucuzlaşması ilə bağlı SOCAR xarici şirkətlərlə danışıqları təxirə salıb.
Caspian Oil & Gas-2016 kuluarlarında SOCAR İnvestisiyalar İdarəsinin rəisi Vaqif Əliyev jurnalistlərə deyib ki, “Ümid” layihəsi üzrə SOCAR yeni tip saziş imzalamaq istəyir. “Bu, PSA saziş olmayacaq, podratçıya ödəniş edəcəyik və o, yatağın işlənməsi üzrə öhdəliyi yerinə yetirəcək”, -deyə o bildirib.
“Ümid” geoloji cəhətdən mürəkkəb yataqdır. 6 min metrdən artıq dərinlikdəki layları mənimsəmək üçün yeni texnologiyalar tələb olunur.–12С--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz