![SOCAR yazda yeraltı qaz anbarlarına 382 mln kubmetr qaz vurub](https://turan.az/resized/./turan-750-500-resize.webp)
SOCAR yazda yeraltı qaz anbarlarına 382 mln kubmetr qaz vurub
SOCAR bu il mayın 18-ə kimi yeraltı qaz anbarlarına ümumilikdə 382 milyon 438 min kubmetr qaz vurub. Bu barədə şirkətin məlumatında deyilir.
Hazırda ötən mövsümdən qalıq qazla birlikdə anbarlardakı aktiv qazın miqdarı 1 milyard 363 milyon 313 min kubmetr təşkil edir.
SOCAR-ın məlumatında deyilir ki, bu həcmin də 632 milyon 631 min kubmetri "Qalmaz", 730 milyon 682 min kubmetri isə "Qaradağ" qaz anbarlarının payına düşür.
Qalmaz qaz anbarına 134 milyon 195 min kubmetr, "Qaradağ" qaz anbarına 248 milyon 243 min kubmetr qaz vurulub.
YQA-a qaz vurulması noyabrda başa çatacaq.
Məlumata əsasən, yeraltı anbarlara vurulan təbii qazın miqdarı onu deməyə əsas verir ki, əvvəlki illərdə olduğu kimi, bu ilin payız-qış mövsümündə də ölkə istehlakçılarının "mavi yanacaq"la təchizatında heç bir problem olmayacaq.
* SOCAR-ın balansında iki yeraltı qaz anbarı var – “Qalmaz” və “Qaradağ”. “Qalmaz” Bakıdan 75 km cənub-şərqdə yerləşir, 1955-ci ildə istismara verilib. “Qaradağ” Bakıdan 25 km cənub-şərqdə yerləşir, 1954-cü ildə istismara verilib. –12В—
-
- İqtisadiyyat
- 19 May 2016 23:34
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz