Son 18 ildə dəfə ümumi pul kütləsində xarici valyutanın payı 20%-dən az olub

2012-ci ilin dekabrında pul kütləsinin həcmi 1156,8 mln manat və ya 9,1% artaraq 13806,4 mln manat olub. İl ərzində iqtisadiyyatda manat vəsaitlərinin həcmi 25,5% artıb. Müqayisə üçün 2011-ci ildə manat kütləsi 32,5% artıb.

AMB-nin məlumatına əsasən, bank sistemindən kənarda nağd pul həcmi dekabrda 873 mln manat və ya 10,4% artaraq 9256,6 mln manat olub.  Nağdsız manat həcmi 283,7 mln manat və ya 6,6% artaraq 4549,7 mln manat təşkil edib. Manat pul kütləsi strukturunda sonuncuların xüsusi çəkisi 32,9%.-dək azalıb. İl ərzində nağd pul həcmi 29,3%, nağdsız pullar 18,5% artıb.

Hesabat dövründə geniş pul kütləsi göstəricisi 987,6 mln manat və ya 6,3% genişlənərək 16775,3 mln manat olub. 

Bank sistemində xarici valyuta kütləsinin həcmi 169,3 mln manat azalaraq 2968,9 mln manat ekvivalenti təşkil edib. 2012-ci ilin əvvəlindən xarici pul kütləsi 2,1% artıb (bir il əvvəl 30,3% artım olub). Ümumi pul kütləsində manat resurslarının payı 82,3% təşkil edib. Bu, 2011-ci ilin 1 yanvar göstəricisindən 3,2% çoxdur.  

Beləliklə, son 18 ildə dəfə ümumi pul kütləsində xarici valyutanın payı 20%-dən az olub

Pu bazasının ümumi həcmi dekabrda 13,2%, ilin əvvəlindən 30,1% artaraq 8489,4 mln manata çatıb. Yanvar-dekabrda manat pul bazası 1878,2 mln manat və ya 29,3%, artaraq 8275,3 mln manat olub. --15В--