Sosial yardımın institusional dəyişikliyə ehtiyacı var

Ünvanlı sosial yardım və aztəminatlıların özünədəstək pilot proqramı az səmərəlidir. 

Bu barədə Isr Plasa otelində "Transparency Azerbaijan" İB-nin USAID təşkilatının dəstəyi ilə keçirdiyi təqdimatda bildirilib. 

Layihənin əlaqələndiricisi Kənan Qasımovun sözlərinə görə, ünvanlı sosial yardım alanların məmurlarla ünsiyyətini minimuma endirən irəliləyişlər göz qabağındadır. Ödəniş kartları banklarda alınır, vəsaitin köçürülməsi barədə informasiya SMS-lə mobil telefona göndərilir. Amma insanların çoxunun hüquqi savadsızlığı volyuntarizmə səbəb olur – yoxlama adı ilə monitorinq zamanı (sentyabr 2012 - sentyabr 2013) onların ödəniş kartlarını alıblar. Bu, 2011-12-ci illərdə 22 məmur işdən azad ediləndən, 100-dən çoxu inzibati qaydada cəzalanandan sonra da davam edib.

Nazirliklərdə "qaynar xət"lər az fayda verir. Nəticədə nazir Səlim Müslümov sərəncam verib ki, aylıq hesabat verilsin. www.mlspp.gov.az informasiya resursunun yaradılması da müsbət haldır. Elektron xidmət və müvafiq qanunvericilik xidməti olan 12 link də var. Amma geniş kütlələrin informasiyaya çıxışı üçün təşviqat kampaniyaları keçirilmir. 

Aztəminatlılar üçün özünədəstək pilot proqramı 3 rayonda keçirilib. Səmərəlilik 96%-dir. --17D-