Standartlaşdırma, Metrologiya və Patent üzrə Dövlət Komitəsi Bakı və regionlarda fiziki və hüquqi şəxslərə məxsus 13 sənaye obyektinin istehsal fəaliyyətinə qadağa qoyub.
SMPDK mətbuat xidmətində Turan-a deyiblər ki, sərinləşdirici və alkoqolsuz içkilər, süd məhsulları, çörək-bulka və karamel sexlərində ciddi pozuntular aşkarlanıb. Məsələn, Xətai rayonundakı "Amal" firmasında süd sexi texnoloji təlimatsız işləyir. Məhsulun resepti, sanitar norma və qaydalara əməl edilmir. “DMC Kompany” MMC texnoloji təlimat və resepturasız işləyir. Alkoqolsuz içkilər və şirələrin istehsalı zamanı mənşəyi bilinməyən konsentratlardan, sintetik boyaq maddələri və aromatlardan istifadə olunur. Amma markada onlar meyvə şirəsi adlanır. İstifadə ümddəti isə normativə uyğun deyil.
SMPDK indiyədək “Gilan Qəbələ Konserv Zavodu”, “Qafqaz Konserv Zavodu”, “Az-Geanata”, “PAI-Sud”, “Milk-Pro” kimi ərzaq malları bazarında üstün mövqeyə malik müəssisələrdə yoxlamaların nəticələri barədə ictimaiyyətə məlumat verməyib. --08D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz