"SOCAR Turkey Energy" şirkəti mayın 30-da 23 maliyyə institutu ilə Star Neft Emalı Zavodunun tikintisi üzrə $3,29 mlrd məbləğində kredit sazişi imzalayıb. Bu barədə Türkiyə saytları məlumat verir.
Kredit paketinin $2,69 mlrd-ı 18 illiyə (güzəşt dövrü 4 il), qalan $600 mln güzəşt dövrü 4 il olmaqla 15 illiyə verilir.
İnformasiyada müvafiq bankların adları açıqlanmır. Əvvəllər ARDNŞ təmsilçiləri bidirirdi ki, $2,8 mlrd ixrac-idxal banklarının (İspaniya, İtaliya, Yaponiya, ABŞ və Koreya) və 15 xarici kommersiya bankının payına düşür. $500 mln-u isə türkiyənin "Garanti Bankası" verir.
Azərbaycan prezidenti İlham Əliyevin müvafiq sərəncamı ilə $1,9 mlrd nizamnamə kapitalı ilə "SOCAR Turkey Yatirim" şirkəti yaradılıb. Burda dövlətin payı 40%-dir. SC-də dövlətin payını ($760 mln) ARDNF maliyyələşdirəcək.
Bu məqsədlə ARDNF $475 mln ayırıb. Star NEZ-in tikintisinin ümumi qiyməti $5,5 mlrd-dır.
ARDNŞ 2013-cü ilin mayında NEZ-in tikintisi üzrə şirkətlərlə EPC-saziş (Engineering, procurement and construction) imzalayıb. Tenderdə Tecnicas Reunidas SA, Saipem SpA, GS Engineering & Construction Corp və "Itochu qalib gəlib. Zavod 2018-ci ildə istismara veriləcək. –0--
İqtisadiyyat
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
-
Qlobal dizel yanacaq qiymətləri və emal marjaları, ABŞ-ın Rusiya neft ticarətinə qarşı tətbiq etdiyi ən son sanksiyaların ardından kəskin artıb. Bu addım, təklifin azalacağı gözləntiləri ilə bazarlarda dalğalanmalara səbəb olub, analitiklər və LSEG məlumatları bunu təsdiq edir.
Rəy yaz