Şəki məhkəməsində İsmayıllı hadisələri üzrə məhkumların apellyasiya şikayətinə iyunun 5-nə təyin edilmiş baxış baş tutmayacaq. Dinləmələr qeyri-müəyyən müddət üçün təxirə salınıb, bu barədə məhkumların vəkilləri bildirib.
Xatırladaq ki, 23-24 yanvar 2013-cü il tarixlərində İsmayıllı şəhərində xalq iğtişaşları baş verib. Buna yerli sakinlərin “Çıraq” otelinin sərxoş işçiləri tərəfindən təhqir edilməsi səbəb olub. Etirazçılar “Çıraq” otelini yandırıblar və rayon icra başçısının villasında talan törədiblər.
17 mart 2013-cü il tarixində Şəki Ağır Cinayətlər Məhkəməsi İsmayıllı hadisələri üzrə 18 təqsirləndirilən şəxs barəsində hökm çıxarıb. İğtişaş iştirakçıları ilə birlikdə iğtişaşlarla heç bir əlaqəsi olmayan ReAl hərəkatının lideri İlqar Məmmədov (7 il) və Müsavat Partiyasının sədr müavini Tofiq Yaqublu (5 il) da həbs edilib.
Daha 8 nəfər 8 ilə qədər azadlıqdan məhrumetmə cəzası alıb. Bir o qədər müttəhim şərti cəza alıb.
Mayın 22-də Strasburq Məhkəməsi İ.Məmmədovun hüquqlarının pozulduğunu etiraf edib. Yaqublunun şikayətinə də Avropa Məhkəməsində baxılır.
Bir müddət əvvəl Aİ, Fransa və Böyük Britaniya XİN-ləri, ABŞ səfirliyi Məmmədov vəYaqublu barəsində hökmü pisləyib. Amnesty İnternational beynəlxalq hüquq müdafiə təşkilatı Məmmədovu və Yaqublunu “vicdan məhbusu” kimi tanıyıb. -06B-
Siyasət
-
Müsavat Partiyasının fəalı, keçmiş siyasi məhbus Əlikram Xurşidov Şirvan şəhərində, yaşadığı evdə həbs edilib.
-
ABŞ-ın Azərbaycandakı səfirliyinin sözçüsü Erin Robertson Azərbaycan xarici işlər naziri Ceyhun Bayramovun yanvarın 16-da Amerika Beynəlxalq İnkişaf Agentliyinin (USAID) 2024-cü il 1 iyun tarixindən Azərbaycanda fəaliyyət göstərməsinin de-yure mümkün olmaması ilə bağlı bəyanatı barədə Amerikanın Səsinin sorğusuna cavab verib.
-
Azərbaycandakı diplomatik missiyanı başa vuran ABŞ səfiri Mark Libbi yekun çıxış edib. Səfirliyin Facebook səhifəsində dərc olunan çıxışda deyilir:
-
Yanvarın 18-də prezident İlham Əliyev Türkiyənin xarici işlər naziri Hakan Fidanı qəbul edib.
Rəy yaz