Kənd Təsərrüfatı Nazirliyi Maliyyə Nazirliyinə süni mayalanma yolu ilə alınmış buzov sahiblərinə subsidiya verilməsi haqda sənədlər göndərib.
İki ayda 4722 baş, o cümlədən oktyabrda 1495, noyabrda 3227 baş buzova görə subsidiya verilib. Bu barədə Turan-a Kənd Təsərrüfatı Nazirliyində bildiriblər.
Heyvandarlığın subsidiyalaşdırılması qaydalarına əsasən, süni mayalanma yolu ilə alınmış buzova görə 100 manat pul yardımı bu ilin oktyabrından verilir.
Kənd Təsərrüfatı Nazirliyi yanında Kənd Təsərrüfatı Subsidiyaları üzrə Respublika Komissiyası ayda bir dəfə yığışır.
Azərbaycan prezidentinin heyvandarlığın cins tərkibinin yaxşılaşdırılmasına dövlət dəstəyi haqqında sərəncamı 19 avqust 2015-ci ildə imzalanıb. Onun tətbiqinə 2016-cı ilin yanvarından başlanılıb. 08D
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz